Sajt staličnaj milicyi paviedamiŭ pra zdareńnie na vulicy Paŭliny Miadziołki ŭ mikrarajonie Navinki, jakoje adbyłosia 1 kastryčnika.
Minčuki paviedamili, što z kvatery danosiacca kryki, a z voknaŭ vykidvajuć butelki. Tudy i nakiravalisia milicyjanty. U kvatery znachodziłasia siem čałaviek, dva ź ich — žančyny. Milicyja akcentuje ŭvahu, što ŭsie jany raniej pryciahvalisia da kryminalnaj adkaznaści.
Pavodle viersii milicyjantaŭ, pjanaja kampanija pavodziła siabie ahresiŭna i pravakavała bojku.
«Supracoŭniki nieadnarazova papiaredžvali pra mahčymaje ŭžyvańnie fizičnaj siły, śpiecyjalnych srodkaŭ i zbroi, ale hramadzian heta nie spyniła.
Adzin ź ich pasprabavaŭ zavałodać tabielnaj zbrojaj supracoŭnika milicyi, u siłu čaho byli zrobleny papieradžalnyja streły ŭbok, adnak hetaja miera nie supakoiła napadnikaŭ, i supracoŭnik byŭ vymušany zrabić adzin streł u nahu napadniku», — havorycca ŭ aficyjnym paviedamleńni.
Ciapier mužčyna z prastrelenaj nahoj lažyć u balnicy, a šaściora jaho siabroŭ znachodziacca ŭ izalatary na Akreścina.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary