U konkursnaj prahramie spaborničali elektronny hurt «SnopSnoŭ», postpankavy prajekt «Nürnberg», hitarny duet «MorkvoĆviet», a taksama duet «Eryk i Ja».
Pieršy dzień fiestyvalu adznačyŭsia konkursam maładych vykanaŭcaŭ. U konkursnaj prahramie pryniali ŭdzieł 4 hrupy: elektronny hurt «SnopSnoŭ», post-pankavy prajekt «Nürnberg», hitarny duet «MorkvoĆviet», a taksama duet «Eryk i Ja». Apoŭnačy naviedniki fiestyvalu daviedalisia chto pieramoh u konkursie maładych vykanaŭcaŭ. Sioletnim pieramožcam staŭ hurt «SnopSnoŭ».
«My adčuvali asałodu ad kožnaha svajho vystupu na «Basoviščy». Fiestyval arhanizavany nadzvyčaj prafiesijna, my padłučyli svajo abstalavańnie i hrajem, usio! Heta nievierahodna! Kali b u Biełarusi byŭ taki ŭzrovień, my ad kožnaha kancerta atrymoŭvali by vialikaje zdavalnieńnie», — skazaŭ vakalist hurtu Siarhiej Ivanoŭ u razmovie z «Polskim radyjo».
«Našaja ŭznaharoda značyć, što šlach, jaki my prajšli za adzin hod, projdzieny niamarna. Heta dla nas hałoŭnaje», — kaža Siarhiej Ivanoŭ.
Atrymanuju ŭznaharody muzyki abiacajuć vydatkavać na novy albom, jaki ŭžo raspracoŭvajecca.
Hurt byŭ zasnavany naprykancy 2015 hoda ŭ Miensku. U jaho skład aproč Siarhieja Ivanova uvachodziać Raman Jelanievič (sintezatar i bas) i hitaryst Raman Žarabcoŭ. Tvorčaść kalektyvu možna adnieści da takich stylaŭ, jak indy-rok dy elektronik-rok.
Asnova muzyki — sumieś rokavaha i elektronnaha huku, dzie razam z hitarami vykarystoŭvajucca sintezatary i semplery.
Kamientary