Što skazali b mižvajennyja piśmieńniki pra abaronu Kurapat
Duboŭka: Chłopcy… Nu, dyk što maŭčycie? Hołasa dajcie, chłopcy, nu… Tam za vas stajać užo niekalki tydniaŭ, mo, dapamožacie čym? Michaś, što maŭčyš? Tolka? Jurka? Mojše?
Volny: Aj, Uładzik, adčapisia. Što skažaš tut. Jak byli b my, chacia b vo jak ty, trochi mocy pry žyćci nabraŭšysia, dyk stali b, kaniešnie, a to i mordy b pačali bić, ty ž viedaješ, ja mahu, a to prastralanyja, jak nam stać…
Duboŭka: Nu huknicie chacia b im čaho, padkažycie. A to lažycie moŭčki.
Volny: Hodzie tabie. Dumaješ, lohka? Moŭčki lažać, aha. Asabliva jak pry žyćci zvyčki takoj nia mieli.
Duboŭka: Daliboh, sam ustaŭ, pabieh by stajać za vas, ale ž z Maskvy nie daciahnusia… Šurka, čuješ? Šurka, Dajlidovič katory, Dudar?
Dudar: Nu?
Duboŭka: Šurka, čuješ… Roznaha pamiž nami było… haŭniuk ty, kaniešnie, byŭ dobry…
Dudar: Tak, jasna. Pajšoŭ ty viedaješ kudy…
Duboŭka: Dy nie ab toje ja. Za ciabie taksama staŭ by siońnia. Kurapaty tvaje baraniŭ by.
Dudar: Uhu.
Krapiva: Usio b tabie buzacioryć. Kłaŭnadu raźviali. Nie kab spakojna, pa zakonie, jak śled…
Duboŭka: Kali ty ŭžo ścichnieš, Kandracie. Nijakaha navaru ź ciabie.
Krapiva: Ź ciabie mnoha navaru, pabaču ja. Nu-nu.
Volny: Čuješ, Uładzik? Ty jak samy mocny ŭ nas. Skažy im tam. Jermakovu ichnamu skažy, astatnim… Jakija za Stalina pišuć, pra dasiahnieńni, maŭlaŭ, treba pra dasiahnieńni pamiatać, a nie rasstreły… Dyk ty im pieradaj, Uładzik, što my tut usie takija lažym, jakija pra Stalina pisali i pra dasiahnieńni, a pra rasstreły nie pisali, aha.
Čarot: Nu. Tyja, chto suprać Stalina byli, na Kamaroŭcy ŭ dvaccatyja prastralanyja šče. A tut u Kurapatach — tolki tyja, chto za Stalina i za dasiahnieńni. Kaho chočaš tut spytaj.
Duboŭka: Čaho pytacca. Viedaju.
Dudar: I ja pisaŭ. Stalin, najvialikšy pravadyr.
Čarot: I ja pisaŭ.
Charyk: I ja pisaŭ. Jamu asabista navat pisaŭ. Vieryŭ ža. Dyk nie dapamahło. Jany tam pazabyvalisia pra heta, ci što?
Duboŭka: A chalera viedaje ich. Mo, jeści niama dzie, akramia jak u Kurapatach. Hoład, mo. Adzin restaran na ŭsiu Biełaruś. Niama kudy pajści bolej. Tut dzie chočaš pajedzieš pajeści.
Volny: Dyk ty pieradaj tam hetym, jakija Jermakovy. Pula —iana ŭsiakaha biare. Jak pačniecca — nie ŭratuješsia. Tut tolki kab nie pačynać. A tym, chto staić… skažy, dapamožam. Paraimsia tut. Prydumajem niešta. Niachaj trymajucca.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary