Adzin ź viadučych univiersitetaŭ Zambii zaklikaŭ dziaŭčat-studentak nie chadzić u biblijateku «paŭaholenymi», bo heta adciahvaje mužčyn ad navučańnia, paviedamlaje Bi-bi-si.
Havorka idzie pra ŭniviersitet u stalicy Zambii, horadzie Łusaka. U biblijatecy hetaj navučalnaj ustanovy paviesili abjavu z zaklikam apranacca ścipła.
Zambija źjaŭlajecca kansiervatyŭnaj krainaj. Ale studenty va ŭniviersitecie, jak praviła, apranajucca sučasna, paviedamiŭ Bi-bi-si Kenedzi Hondvie.
«My źviarnuli ŭvahu, što niekatoryja dziaŭčaty-studentki apranajucca śmieła i prychodziać u biblijateku paŭaholenymi. Hetaja situacyja zaminaje mužčynam», — havorycca ŭ paviedamleńni ŭ biblijatecy.
«Tamu raim žančynam apranacca ścipła, kali vy znachodziciesia va ŭniviersiteckich ustanovach. Ścipłaść — heta pravilny šlach!».
Niekatoryja studentki nie pahadzilisia z hetym rasparadžeńniem.
«Kali vy idziacie ŭ biblijateku dla taho, kab vučycca, navošta źviartać uvahu na niešta inšaje, naprykład, na žanočyja nohi?» — kaža studentka treciaha kursa Dzikina Muzieja.
«Prosta zasiarodźciesia na svaich knihach, voś i ŭsio», — dadała jana.
Adnak student Kilijan Firy tak prakamientavaŭ hety krok: «Vy viedajecie, nakolki pryvabnaje žanočaje cieła».
«Jak možna zasiarodzicca na vučobie, kali niechta chodzić u mini-spadnicy abo tonkaj sukiency? Vy pačynajecie dumać pra inšyja rečy, i nie zmožacie skancentravacca», — skazaŭ jon VVS.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski31
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary