SK: Abiedźvie paradzichi z Maładziečna pamierli ad anafiłaktyčnaha šoku na preparaty
Śledčy kamitet zaviaršyŭ pravierku pa fakcie śmierci 23-hadovaj paradzichi ŭ Maładziečnie ŭ kastryčniku minułaha hoda. Akramia taho, viadomyja zaklučeńni ekśpiertaŭ i pa inšym trahičnym vypadku ŭ hetaj ža ŭstanovie — śmierci 27-hadovaj žančyny adrazu paśla rodaŭ u krasaviku 2016 hoda. Pra heta partału TUT.BY raspaviała aficyjny pradstaŭnik SK Julija Hančarova.
Pa dvuch faktach śmierci paradzich u Maładziečanskaj radzilni praviedzieny daśledčyja pravierki. Jak adznačajuć u SK, abstaviny zdareńnia byli ŭsiebakova vyvučany, uličanaja ich sacyjalnaja značnaść.
Śledčyja vyśvietlili, što śmierć abiedźviuch žančyn nastupiła ŭ vyniku anafiłaktyčnaha šoku na dva roznyja preparaty.
«U pieršym vypadku, zhodna z zaklučeńniem sudovych miedykaŭ, ustanoŭlena pryčyna śmierci — anafiłaktyčny šok u vyniku ŭviadzieńnia krovaspynialnaha preparata. Śledčyja taksama vyvučali miechanizm dziejańnia daktaroŭ i akazańnia dapamohi, a taksama adpaviednaść ich kliničnym pratakołam. Akramia taho, kanfiskoŭvałasia i vyvučałasia ŭsia miedycynskaja dakumientacyja. Apytvaŭsia piersanał, jaki pracavaŭ u toj dzień.
Kliničny pratakoł — dakumient, što zaćviardžajecca Ministerstvam achovy zdaroŭja Biełarusi i ŭstanaŭlivaje ahulnyja patrabavańni da akazańnia miedycynskaj dapamohi pacyjentu pry peŭnym zachvorvańni, z peŭnym sindromam abo pry peŭnaj kliničnaj situacyi.
U druhim vypadku mieŭsia videazapis z kamiery nazirańnia za apieracyjnaj, dzie pravodziłasia miedycynskaje ŭmiašańnie. Heta dapamahło śledstvu pasiekundna vyvučyć, jak dziejničali daktary, i ŭ pryvatnaści doktar-reanimatołah, kali źjavilisia pieršyja prykmiety anafiłaktyčnaha šoku (prykładna praz 20 siekund). U hetym vypadku šok raźviŭsia paśla ŭviadzieńnia antybakteryjnaha preparata», — raspaviała Julija Hančarova.
Pa druhim vypadku ŭstanoŭlena, što hety ž antybakteryjny preparat žančyna ŭžo prymała raniej, i tady nijakich skarhaŭ abo ŭskładnieńniaŭ adznačana nie było. Ekśpierty vyvučyli kancentracyju ŭviedzienaha antybakteryjnaha preparata (dla daśledavańnia na mahčymaje pieravyšeńnie) i ŭstanavili, što normy pieravyšanyja nie byli.
Anafiłaktyčny šok — alerhičnaja reakcyja nieadkładnaha typu, jakaja charaktaryzujecca rezka padvyšanaj adčuvalnaściu arhanizma, što raźvivajecca pry paŭtornym uviadzieńni alerhiena. Adno z najbolš niebiaśpiečnych uskładnieńniaŭ lekavaj alerhii, jakoje ŭ 10-20% vypadkaŭ pryvodzić da śmierci. Chutkaść uźniknieńnia anafiłaktyčnaha šoku — ad niekalkich siekund ci chvilin da 5 hadzin ad pačatku kantaktu z alerhienam, pryvodzić dadzienyja miedykaŭ Vikipiedyja.
Ustanoŭlena, što jakaść i terminy prydatnaści preparataŭ, a taksama miechanizm ich vykarystańnia adpaviadaŭ patrabavańniam. Abodva preparata ŭ krainie dapuščanyja i šyroka vykarystoŭvajucca ŭ miedycynskaj praktycy.
Da praviadzieńnia daśledčych pravierak pryciahvali jašče i inšych daktaroŭ-praktykaŭ z bahatym dośviedam.
«U abodvuch vypadkach pravodzilisia pravierki na najaŭnaść u dziejańniach miedykaŭ prykmiet złačynstva, praduhledžanaha art. 162 Kryminalnaha kodeksa Biełarusi («Nienaležnaje vykanańnie prafiesijnych abaviazkaŭ miedycynskim rabotnikam»).
Paśla ŭsiebakovaha vyvučeńnia abstavinaŭ trahiedyj vyniesiena rašeńnie admović va ŭzbudžeńni kryminalnaj spravy», — padahulniła Julija Hančarova.
Viadoma, što padčas pieršaha i druhoha vypadkaŭ z paradzichami pracavali dźvie roznyja miedycynskija bryhady.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary