«Praces 14-ci». Dzień čaćviorty. Abvinavačanyja abvinavačvajuć abvinavaŭcaŭ
Prysud budzie vyniesieny zaŭtra, nie raniej za 11:00.
16:59 Andrej Kim: "Maja nievinavataść była całkam dakazanaja advakatami. Jaki sens byŭ pierad dziasiatkam videakamer i fotaaparataŭ nanosić udar nieznajomamu čałavieku?"
16:55 Anton Kojpiš: "Našyja dziejańni 10 studzienia byli maralnymi". Sudździa, miž inšym, nie dazvoliła jamu cytavać Karan.
16:24 Arciom Dubski: "Sud palityzavany i maje kankretnych zakazčykaŭ".
616:22 Taciana Ciškievič: "Pakazańni milicyi razvalilisia paśla videa. U zali pasiedžańniaŭ tvorycca cyrk, a pa-za im — biasčynstva".
16:18 Aleś Bondar: "Ja hanarusia akazacca na łavie padsudnych z hetymi ludźmi"
16:11 Michaił Kryvaŭ: "Heta hańba, što taki praces adbyvajecca ŭ XXI st. u eŭrapiejskaj krainie. Sudździa pavinna zrabić składany maralny vybar".
16:00 Aleś Stralcoŭ: "Naša vina nie dakazanaja.
16:00 Aleś Čarnyšoŭ: ja kiravaŭsia pravam, jakoje daje mnie Kanstytucyja."
15:33 Uładzimier Siarhiejeŭ. "Apošnija 14 hadoŭ usie padziei ŭ našaj krainie jość masavymi biesparadkami. Ukaz № 760 tyčyć usich hramadzian Biełarusi".
15:27 Abvinavačanyja stali vystupać z apošnim słovam. Michaił Paškievič: My vinavatyja, bo pierajšli ad kuchonnaj demakratyi da vuličnaj. U 1930 h. moj dzied, siabra KPZB, siadzieŭ u Biarozie-Kartuzskaj.
15:10 Vystupili advakaty. Advakatka Harbatok: u jakaści śviedkaŭ vystupali vypadkovyja ludzi.
Maryjana Simieška: videa abviarhaje abvinavačvańnie.
Pavał Sapiełka: Čym bolej doŭžycca praces, tym mieniej padrychtavanym vyhladaje abvinavačańnie. "Vy tut kirujeciesia zakonami, ale ŭ nacysckaj Niamieččynie taksama kiravalisia zakonami".
Usie nastojvajuć na apraŭdańni padsudnych.
13:00 U pracesie abvieščany pierapynak.
12:50 U svaim vystupie prakuror skazaŭ, što vina padsudnych całkam dakazanaja, a ŭ pracesie było bolš emocyj, čym zdarovaha sensu.
Vystupili taksama advakaty Alaksandar Halijeŭ Halijeŭ i Tamara Sidarenka.
Alaksandar Halijeŭ skazaŭ, što pakazańni niekatorych śviedkaŭ bolš nahadvali słovy viaskovych ahitataraŭ, jakija načytalisia «Savieckaj Biełarusii». Jon zajaviŭ, što videamateryjały byli sumniŭnymi, bo składalisia z «narezki klipaŭ». Na dumku advakata, takija strohija prysudy słužać dla taho, kab zapałochać, kab maładziony nie vyłučalisia z šeraj masy zhodnych. Advakat taksama skazaŭ, što abvinavaŭčy prysud u hetaj spravie jašče raz adkinie Biełaruś u raźvićci ad našych susiedziaŭ. Ale, jak vobrazna vyraziŭsia Halijeŭ, usio adno «biełaje zaŭsiody pieramahaje šeraje».
Advakat paprasiŭ sud vynieści apraŭdalny prysud svaim padabaronnym.
Advakatka Andreja Kima Tamara Sidarenka zajaviła, što sprava vyhladaje zrežyseravanaj, pačynajučy ad vybaru abvinavačanych, skančajučy admovaj zapuskać u zalu svajakoŭ i blizkich fihurantaŭ spravy. Jana źviarnuła ŭvahu, što Kim užo byŭ pakarany za ŭdzieł u niesankcyjanavanaj akcyi, i jana nia bačyć padstaŭ karać jaho jašče raz za adzin i toj ža učynak.
12:20 Prakuror patrabuje
- Andreju Kimu 2 hady turmy,
- Alaksieju Bondaru i Arciomu Dubskamu, Michaiłu Paškieviču — 2 hady chimii,
- inšym — 2,5 hodu chimii, ale biez nakiravańnia ŭ miescy adbyćcia pakarańnia.
Uładzimier Siarhiejeŭ, Anton Kojpiš, Taciana Ciškievič, Aleś Stralcoŭ, Michaił Kryvaŭ i Aleś Čarnyšoŭ, pa mierkavańni prakurora, majuć adbyvać pakarańnie pa miescy svajoj pracy.
11:40 Čarhovy dzień pracesu ŭ spravie ŭdzielnikaŭ studzieńskaj akcyi pratestu pradprymalnikaŭ raspačaŭsia sa spaźnieńniem. Na pačatku pasiedžańnia sudździa admoviłasia dapytać śviedkaŭ z boku abvinavačanych, bo sudovaje śledztva skončyłasia.
Pačalisia sudovyja sprečki.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary