Pad Minskam adkryli doŭhačakany zavod pa pierapracoŭcy śmiećcia, jaki budzie, z adnaho boku, karysny dla ekałohii stalicy, a z druhoha — dazvolić aščadžać na vytvorčaści cemientu. Pra heta ahienctvu «Minsk-Naviny» paviedamiŭ dyrektar pradpryjemstva «Hardarbud» Siarhiej Panieŭ.
Abstalavańnie ŭžo zmantavanaje i zapuščanaje, ciapier śpiecyjalisty asvojvajuć jaho rabotu. Zavod raźmieščany na palihonie ćviordych bytavych adkidaŭ «Traścianiecki». Jon pryznačany dla maksimalnaha adnaŭleńnia druhasnaj syraviny — płastyku, papiery, mietału — i jaje sartavańnia.
Akramia taho, na pradpryjemstvie buduć vyrablać RDF-paliva, jakoje potym płanujecca vykarystoŭvać na zavodzie «Krasnasielskbudmateryjały» dla vytvorčaści cemientu, što dazvolić aščadzić srodki. Pieršaja partyja paliva ŭžo atrymanaja i nakiravanaja na vyprabavańni ŭ łabaratoryju.
Budaŭnictva zavoda pačałosia ŭ mai 2024 hoda na terytoryi 12 ha: płanavańnie, rasčyščeńnie, vyvaz nieprydatnaha hruntu i raślin. Zapłanavany termin budaŭnictva składaŭ 32 miesiacy, ale jaho ŭdałosia skončyć raniej.
Na placoŭcy pracavali kala 240 čałaviek, uklučajučy subpadradčykaŭ, pa 12 hadzin u dzień, časta ŭ vychadnyja i śviaty, a pry nieabchodnaści — i ŭnačy. Vykarystoŭvali kala 50 adzinak techniki. Adnačasova pravodziłasia rekanstrukcyja staroha cecha.
Asnoŭnaja ŭvaha nadavałasia hałoŭnamu korpusu płoščaj 25 tysiač «kvadrataŭ», administracyjnym błokam, miedycynskamu punktu, kacielni, budynku suški RDF-paliva i składu dla bujnahabarytnych adkidaŭ.
U Ščučynskim rajonie žančyna paprasiła prybrać śmiećcie z učastka, a joj źnieśli dom
Na prypynku «Łamanosava» ŭ stalicy adramantavali asfalt. Vynik uražvaje
Drahičynskaja rajonka vypuściła kamplimientarnaje videa pra ŭparadkavańnie horada. U kamientarach raskryli i inšy bok
U Biełarusi ŭzmocniać pakarańnie za niapravilna vykinutaje śmiećcie i niaskošany barščeŭnik
Kamientary