U Ščučynskim rajonie žančyna paprasiła prybrać śmiećcie z učastka, a joj źnieśli dom
Rabočyja ź miascovaha kałhasa pavinny byli prybrać kusty, ale pierastaralisia.
Žycharka Ščučynskaha rajona paprasiła miascovy kałhas dapamahčy joj prybrać śmiećcie z učastka. Jana zapłaciła 9 tysiač rubloŭ, za hetyja hrošy rabotniki pavinny byli prybrać kustoŭje i drevy. Uvohule, navieści paradak na ŭčastku.
Žančyna vielmi ździviłasia, kali pryjšła pravieryć pracu. Kustoŭja i dreŭ nie było, jak i damovilisia. Ale jašče rabotniki čamuści źnieśli dom i inšyja pabudovy. A ŭčastak adpravili pad pasieŭ, piša BiełTA.
Haspadynia źviarnułasia ŭ sud i prakuraturu. Tam ahrakambinat damoviŭsia z žančynaj i pahadziŭsia kampiensavać škodu, a taksama sudovyja vydatki.
Ale na hetym usio nie skončyłasia. Prakuratura vyrašyła razabracca, čamu ŭvohule rabotniki vyrašyli źnieści dom. Akazałasia, takoje rasparadžeńnie addaŭ načalnik filijała ahrakambinata. Jakaja była ŭ jaho matyvacyja, niezrazumieła. Ale prakuratura vyrašyła spahaniać ź jaho tyja 9 tysiač rubloŭ za pracu, jakija kałhas byŭ vymušany viarnuć žančynie.
U sudzie dyrektar vinu nie pryznaŭ. Ale sudździa abaviazaŭ jaho viarnuć hrošy pradpryjemstvu.
Ciapier čytajuć
Biełarus raptoŭna i biez daj pryčyny źnik u 2006 hodzie, a praz 19 hadoŭ znajšoŭsia ŭ vioscy pad Smalenskam3
Kamientary
Snačała po isku kompiensirovał filiał, ahrokombinat vozłožił na diriektora.