Drahičynskaja rajonka vypuściła kamplimientarnaje videa pra ŭparadkavańnie horada. U kamientarach raskryli i inšy bok
Drahičynskaja rajonka apublikavała ŭ tyktoku videa, u jakim žychary i hości horada dzielacca stanoŭčymi ŭražańniami pra jahonaje ŭparadkavańnie. Ale ŭ kamientarach ludzi staviacca da hetaha bolš krytyčna, zaŭvažyła BG.Media.
U videa ludzi raskazvajuć, jak źmianiŭsia horad: adna pažyłaja žančyna kaža, što žyvie tut amal 40 hadoŭ i ŭpieršyniu bačyć takija palapšeńni — usio vykašana, ćvituć kvietki, ładziacca mierapryjemstvy, jana vielmi zadavolenaja. Małady čałaviek dziakuje za čyściniu i spakoj uviečary, a hościa ź Biarozy pryznajecca, što była pryjemna ździŭlenaja: raniej trava kala balnicy nie kasiłasia, a ciapier tam jak u parku.
Adnak ža adna z apytanych usio ž adznačyła, što choć ciapier u horadzie ŭsio nibyta i pryhoža, ale niama dzie prahulacca — sonca śviecić, a cieniu niama.
U kamientarach pad videa ludzi vykazvalisia značna krytyčniej: mnohija adznačyli, što drevy pazrazali i horad staŭ «łysym», asabliva ŭ letniuju śpioku niama dzie schavacca ad sonca. Niekatoryja paskardzilisia na pierapoŭnienyja śmietniki, śmiećcie na vulicach, a taksama na toje, što niekatoryja častki horada zusim nie prybirajucca. Byŭ navat kamientar, što «heta nie horad, a pustka».
Asabliva baluča žychary ŭspryniali vysiakańnie dreŭ — adzin čałaviek raskazaŭ, što sadziŭ biarozy ŭ parku ŭ 1996 hodzie i nie razumieje, navošta ich ciapier pavysiakali.
Na Barysaŭščynie čałaviek paradkavaŭ terytoryju i zasypaŭ piaskom čyrvanaknižnyja raśliny
Pry Bresckaj krepaści ŭžo dva tydni harać vohniščy. Ludzi skardziacca na dym i smurod
Jak uparadkavali skvier Amara Chajama ŭ Minsku
U vioscy pad Oršaj pry padrychtoŭcy da Dažynak źniščyli histaryčnyja budynki
Kala Lidskaha zamka ŭładkujuć nabiarežnuju dla špacyraŭ
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»23
Kamientary