U Lidzie prakładuć novuju vieła-piešachodnuju ściežku ŭzdoŭž raki ŭ centry, niepadalok ad zamka. Tam buduć naviesy i łaŭki z padśvietkaj, piša Hrodna.life.
Prahułačnuju nabiarežnuju ŭładkujuć ad vulicy Mitrapalita Fiłareta da vulicy Hrunvaldskaj i ad Hrunvaldskaj da vulicy Zamkavaj u rajonie Lidskaha zamka. Uzdoŭž vieła-piešachodnaj ściežki rasstaviać małyja architekturnyja formy. Heta buduć naviesy-pierhały z dreva i mietału z aśviatleńniem, łaŭki z padśvietkaj i biez, stylnyja śmiećcievyja kantejniery i viełaparkoŭki.
Naviesaŭ z łaŭkami ŭnutry pastaviać dva, łavak z padśvietkaj budzie vosiem, draŭlanych łavak z vysokimi śpinkami — 19.
Na ŭsio źbirajucca vydatkavać kala 646 tysiač rub. z srodkaŭ budaŭničaha pradpryjemstva «Lidskaja pierasoŭnaja miechanizavanaja kałona — 169». Harantyja budzie piać hadoŭ.
Taksama ŭ ramkach uparadkavańnia horada ŭ Lidzie źbirajucca stvaryć zonu adpačynku na piešachodnaj vulicy z łaŭkami, stolikami i litymi lichtarami. Novyja łaŭki źjaviacca taksama na płoščy kala dziciačaj škoły mastactvaŭ. Maštabnym stanie i azielanieńnie horada — u Lidzie vyrašyli ŭstalavać 600 novych kvietnikaŭ i raźbić 20 novych kłumbaŭ. Z rajonnaha biudžetu na heta vydzielili kala siamisot tysiač rubloŭ.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»17
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary