Na Barysaŭščynie čałaviek paradkavaŭ terytoryju i zasypaŭ piaskom čyrvanaknižnyja raśliny
U Barysaŭskim rajonie mužčyna vyrašyŭ uparadkavać terytoryju kala svajho budučaha doma i pačaŭ zasypać učastak piaskom. Ale zrabiŭ heta nie tolki na svajoj ziamli: zakranuŭ terytoryju pobač, jakaja akazałasia častkaj pryrodnaj zony pad asablivaj achovaj, piša «Minskaja praŭda».
Na miescy, jakoje mužčyna «paradkavaŭ», raśli redkija vidy raślin, zaniesienyja ŭ Čyrvonuju knihu Biełarusi. Pavodle infarmacyi pryrodaachoŭnych słužbaŭ, byli paškodžanyja i źniščanyja ŭnikalnyja raśliny, što naniesła pryrodzie značnuju škodu.
Ciapier suprać uładalnika ŭčastka viadziecca pravierka pa artykule 275 Kryminalnaha kodeksa — «Zabrudžvańnie lesu abo asiarodździa prarastańnia draŭniana-chmyźniakovaj raślinnaści». Jamu pahražaje bujny štraf abo abmiežavańnie (ci pazbaŭleńnie) voli terminam da troch hadoŭ.
Mužčyna śćviardžaje, što nie viedaŭ dakładnaj miažy svajho ŭčastka i chacieŭ zrabić «jak lepš», ale ad adkaznaści heta nie vyzvalaje.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu47
Kamientary