Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie
Brusiel patrabuje ad fihurantki hučnaha rasśledavańnia «Našaj Nivy» viarnuć bolš za 2 miljony jeŭra z raniej atrymanaj subsidyi.
Zareckaja ŭznačalvała startap Laava Tech OÜ. Kampanija nibyta raspracavała enierhaefiektyŭnyja rašeńni, jakija pavinny byli prynosić fiermieram značnuju finansavuju vyhadu. U 2021‑2023 hadach Jeŭrapiejskaja kamisija vydzieliła na prajekt kala 2,4 miljona jeŭra. Adnak vyhladaje, što startap byŭ machlarstvam.
Jak piša «Lusterka» sa spasyłkaj na Ekspress.delfi.ee, u 2024 hodzie Jeŭrapiejskaja prakuratura pačała kryminalnaje rasśledavańnie pra dziejnaść Laava Tech. Zhodna z padazreńniami, złačynstva naniesła Jeŭrasajuzu škodu amal na 450 tysiač jeŭra, Akramia Zareckaj, u spravie fihurujuć jašče dva padazravanych.
Akramia taho, Brusiel zapatrabavaŭ viarnuć bolš za 2 miljony jeŭra z vydadzienaj raniej subsidyi.
«U vypadku padazreńnia ŭ machlarstvie ŭ hrantadaŭcy jość prava zapatrabavać viartańnia ŭsioj subsidyi», — zajaviła na hetym tydni na pasiadžeńni Talinskaha akruhovaha suda Jeŭrapiejski delehavany prakuror Kryścina Saŭčankava.
U śniežni minułaha hoda sud aryštavaŭ bankaŭski rachunak Zareckaj u Estonii i budučyja pastupleńni na sumu da 1,8 miljona jeŭra. Sud taksama nakłaŭ zabaronu na rasparadžeńnie jaje dolami ŭ estonskich kampanijach.
Taćciana Zareckaja ŭ vieraśni 2022 hoda stała pradstaŭnicaj Abjadnanaha pierachodnaha kabinieta pa finansach i ekanomicy. Mienš čym praz dva miesiacy jana paśla skandału zajaviła pra svajo zvalnieńnie — paśla taho jak ŚMI vykazali zdahadku, što jaje «startap» moža być machlarstvam.
Čytajcie: Paśpiachovaja startapierka ci baranesa Miunchhaŭzien? Jak Taćciana Zareckaja trapiła ŭ Abjadnany kabiniet i čamu jana jaho pakinuła
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii
«Čyrvonych ściažkoŭ bolš, čym na kamunistyčnym mitynhu». Finansavy analityk Adaskievič pra startap Zareckaj
Chłusić — niadobra, a dziaržava — nie startap: čatyry ŭroki z kiejsa Zareckaj
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary