Dniami Nacyjanalny centr abarony piersanalnych źviestak Biełarusi paviedamiŭ, što ludzi pačali źviartacca ŭ jaho z pytańniami pra zbor pašpartnych źviestak pry zakazie tavaraŭ na rasijskim markietpejsie Ozon, i paraiŭ ludziam nie dasyłać skany ci kopii pašpartoŭ. U biełaruskim pradstaŭnictvie markietpłejsa patłumačyli vydańniu Newgrodno.by, što mienavita majecca na ŭvazie.
Kali pakupnik zamaŭlaje na Ozon.by tavar u pradaŭca z-za miažy, heta značyć pa-za miežami JEAES, taki zakaz pavinien prajści mytnaje afarmleńnie. Dla hetaha pakupniku prapanujuć uvieści pašpartnyja źviestki ŭ śpiecyjalnuju formu ŭ asabistym kabiniecie.
Pry hetym u Ozon padkreślivajuć, što kampanija nie prosić zahružać skan abo kopiju pašparta.
U redkich vypadkach mytnyja orhany mohuć dadatkova zapatrabavać kopiju pašparta praz partnioraŭ dastaŭki, jakija zajmajucca afarmleńniem dakumientaŭ pry pierasiačeńni miažy.
U kampanii taksama adznačyli, što infarmacyja, uviedzienaja praz formu, zachoŭvajecca tolki na čas dastaŭki tavaru, u miežach krain JEAES i ŭ abaronienym vyhladzie — u adpaviednaści z zakanadaŭstvam Biełarusi. Paśla atrymańnia zakazu źviestki nibyta vydalajucca. Vyklučeńnie mahčymaje tolki tady, kali sam pakupnik zachoča pakinuć ich u svaim profili dla budučych zamoŭ z-za miažy.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary