Zialenski nie suprać refierendumu ab terytoryjach, ale pahadnieńnie pavinna zadavalniać Ukrainu
Uładzimir Zialenski daŭ pašyranaje intervju žurnalistu vydańnia Atlantic Sajmonu Šusteru, jaki napisaŭ pra ŭkrainskaha prezidenta knihu «Šoŭmien».
U razmovie z Šusteram Zialenski skazaŭ, što nie piarečyć praviadzieńniu refierendumu ab terytoryjach dziela ŭstanaŭleńnia miru z Rasijaj adnačasova z prezidenckimi vybarami, ale vyniesienaja na hałasavańnie ŭhoda pavinna zadavalniać Ukrainu, piša Bi-bi-si.
«Ja nie dumaju, što my pavinny vynosić na refierendum drennuju ŭhodu», — zajaviŭ Zialenski.
Jon dadaŭ, što ideja praviadzieńnia prezidenckich vybaraŭ idzie ad rasijan, «tamu što jany chočuć ad mianie pazbavicca».
Rasija nastojvaje na vyvadzie ŭkrainskich vojskaŭ z usioj terytoryi Danbasa, u tym liku z rajonaŭ, jakija armija RF nie akupavała. Da apošniaha času Ukraina nazyvała takija patrabavańni nieprymalnymi.
Adnak, jak piša Šuster, dva daradcy Zialenskaha paviedamili jamu, što Ukraina «moža być hatovaja na samyja ciažkija sastupki: admovu ad terytoryj u Danieckaj vobłaści».
Pavodle źviestak surazmoŭcaŭ Šustera, niadaŭna pryznačany kiraŭnikom Ofisa prezidenta Kirył Budanaŭ kansultujecca z daradcami kiraŭnika dziaržavy ab jurydyčnych i praktyčnych aśpiektach mahčymaha vyvadu vojskaŭ.
U pryvatnaści, jak zrabić heta takim čynam, kab hetyja terytoryi nie byli zachopleny rasijanami.
«Jany sapraŭdy prajaŭlajuć kreatyŭny padychod, vyvučajuć mahčymaści taho, jak heta zrabić, kab ludzi z hetym pahadzilisia», — cytuje Šuster adnaho sa svaich surazmoŭcaŭ.
Na hetym tydni Financial Times paviedamiła sa spasyłkaj na svaje krynicy, što ZŠA nastojvajuć na praviadzieńni vybaraŭ i refierendumu ŭžo ŭ mai hetaha hoda. Adnak u adkaz na hetuju publikacyju Zialenski zajaviŭ, što dla praviadzieńnia choć jakoha hałasavańnia spačatku treba harantavać biaśpieku.
-
«Ja pisaŭ mamie, a jana ŭžo była miortvaja» — historyi zahinułych paśla ŭdaru pa Novaj Vadałazie na Charkaŭščynie
-
U Novaj Maskvie ŭ vyniku ataki bieśpiłotnikaŭ paškodžanyja paliklinika i žyłyja damy. U Sierpuchavie atakavany arsienał Minabarony Rasii
-
Zialenski zajaviŭ pra hatoŭnaść da mirnaha pahadnieńnia z raźmiežavańniem pa ciapierašniaj linii frontu
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju90
Kamientary
Čieriez Šustiera, Zielenskij obraŝajetsia k ukraincam, v Vašinhtonie i Moskvie, vsio, znajut łučšie Zielenskoho, a ukraincy polzovali łapšu ot AP Zielenskoho.
Faktičieskij, Zielenskij, dajot dobro, pokazyvajet hotovnosť pieriedať Rośsii Donbass i Krym s priznanijem ich rośsijskimi tierritorijami, a takžie pojti na triebovanije Moskvy po proviedieniju priezidientskich vyborov v Ukrainie, v usłovijach niepriekraŝajuŝichsia, bojevych diejstvii. I vsio na fonie korrupcionnych skandałov s bližajšimi spodvižnikami Zielenskoho, kotoryje vytorhovali amnistiju u trampa, za sohłasije s "mirnymi" usłovijami putina-trampa
I, iz staťji vytiekajet, čto NIET nikakich harantii biezopasnosti ot SŠA, a jesť ziemlanaja sdiełka dieviełopierov, prśle zaklučienija kotoroj, nikakoj Sienat SŠA nie budiet učastvovať v prodažie Ukrainy, za 12 trillionov dołłarov, dla trampa i čto-to pieriepadiot SŠA, putinu, t.ie. nie budiet ratificirovať sdiełku, o prodažie ukrainskich ziemiel putinu za 12 trillionov dołłarov. NIE BUDIET HARANTII BIEZOPASNOSTI OT SŠA!
S učiotom toho, čto Jevropa otodvinuta v storonu, Zielenskij postavlen na špahat i zahnan v uhoł trampom i putinym.