Za palityku asudzili Mikitu Bieražkova, byłoha pres-ataše chakiejnaha «Dynama» i syna eks-redaktara «Presboła»
Mikita apošnim časam žyŭ u Maskvie, jon adpracavaŭ siem hadoŭ na MatčTV.
U Minskim haradskim sudzie vynieśli prysud 40‑hadovamu Mikicie Bieražkovu, heta viadomy ŭ spartyŭnych kołach čałaviek.
Jon syn Uładzimira Bieražkova — lehiendarnaha hałoŭnaha redaktara «Presboła», jaki ŭznačalvaŭ hazietu ŭ 1995-2014, a ŭ 2015‑m trapiŭ u SIZA pa abvinavačvańni ŭ karupcyi. Na toj momant jon byŭ hienieralnym dyrektaram minskaha chakiejnaha «Dynama». Paśla vyzvaleńnia Uładzimir Bieražkoŭ pracavaŭ u Biełaruskaj fiederacyi futboła, u «SB. Biełaruś siońnia», u Fiederacyi chakieja Biełarusi.
Mikita taksama išoŭ pa kalaspartyŭnaj linii. Jon pracavaŭ pres-ataše minskaha chakiejnaha «Dynama», a nieŭzabavie paśla aryštu baćki pierajechaŭ u Rasiju. Tam adpracavaŭ siem hadoŭ pradziusaram na spartyŭnym kanale MatčTV.
U svoj čas byŭ łaŭreatam Mižnarodnaha fiestyvalu spartyŭnych filmaŭ «Atłant».
Nieviadoma, kali na Mikitu Bieražkova zaviali kryminalnuju spravu i ci byŭ jon u SIZA.
Bieražkova-małodšaha abvinačvali ŭ «sadziejničańni ekstremisckaj dziejnaści» (č. 1 art. 361‑4 Kryminalnaha kodeksa). Pa hetym artykule sudziać sotni čałaviek, zatrymanych pa spravie Hajuna, ale niajasna, ci ŭ Mikity było takoje ž abvinačvavańnie.
Spartyŭnamu pradziusaru prysudzili chatniuju chimiju.
Kamientary