Dyrektaram Teatra lalek z 2024 hoda była Taćciana Toŭścik, źmianiŭšy na pasadzie Dźmitryja Siamionava. Adnak infarmacyja pra jaje źnikła ŭ hrafie «Kiraŭnictva i tvorčy skład» na aficyjnym sajcie. Zaraz tam značycca tolki namieśnik dyrektara Viačasłaŭ Lavonienka, piša Onliner.by.
U teatry raskazali, što Taćciana Toŭścik pakinuła kalektyŭ pa ŭłasnym žadańni.
— Jaje sychod nijak nie źviazany z pracaj teatra. Taćciana Anatoljeŭna vyrašyła viarnucca da vykładčyckaj dziejnaści ŭ Biełaruskaj dziaržaŭnaj akademii mastactvaŭ (raniej była staršym vykładčykam na kafiedry režysury), — skazaŭ surazmoŭca.
U apošnija hady śpiektakli teatra lalek stali adnymi z samych zapatrabavanych. La kas nie raz źbiralisia čerhi, a ŭ režymie onłajn kvitki raskuplajucca maksimalna chutka. U adnym ź intervju Taćciana Toŭścik raskazała, što niekatoryja navat abvinavačvali teatr u štučnym stvareńni ažyjatažu.
«Ale pry isnujučaj viadomaści Biełaruskaha dziaržaŭnaha teatra lalek nam heta zusim nie treba. My vyklučyli anansavańnie startu prodažaŭ, i, jak tolki afiša traplała na sajt teatra, pačynalisia prodažy i ŭ kasie, i praz sajt. Tak vyraŭniali mahčymaści ŭsich bakoŭ», — raskazvała eks-dyrektar.
-
U Italii abrabavali muziej z karcinami hienija Adradžeńnia, jakoha paraŭnoŭvali z Rafaelem. Čamu zładziei spakusilisia mienavita hetymi tvorami?
-
Łatuška: Łukašenka asabista zahadaŭ mnie skaracić Śpis pomnikaŭ udvaja, bo jany «zaminajuć inviestaram»
-
Pad Tałačynom adkapali freski ŭ krypcie kniazioŭ Druckich-Sakolinskich. Na raskopki naźbirali praz kraŭdfandynh
U harach Kyrhyzstana z drona adšukali cieły źnikłych biełaruskich alpinistaŭ8
Kamientary