U biełaruskaj armii adpracoŭvajucca ŭdary z vykarystańniem «Pałanez-M» i «Iskander-M»
Zaniatki prachodziać u tym liku na značnaj addalenaści ad punktaŭ pastajannaj dysłakacyi, va ŭmovach lasista-bałocistaj miascovaści, paviedamiła Minabarony.
Pa słovach načalnika rakietnych vojskaŭ i artyleryi Uzbrojenych sił — načalnika ŭpraŭleńnia rakietnych vojskaŭ i artyleryi Hienieralnaha štaba hienierał-majora Rusłana Čechava, pryciahvalisia da zaniatkaŭ niekalki vajskovych čaściej. Jany pracavali na troch palihonach i niekalkich učastkach miascovaści.
«Dla ŭsich vajskovych čaściej rakietnych vojskaŭ heta byli nieznajomyja miescy, što, viadoma, uskładniała ich pracu. U chodzie kantrolnych zaniatkaŭ było šmat pierasoŭvańniaŭ, rabili marš na vialikija adlehłaści da 300 kiłamietraŭ. Admovy techniki nie było», — skazaŭ jon.
Padčas zaniatkaŭ taksama adpracoŭvałasia procidziejańnie dyviersijna-raźviedvalnym hrupam praciŭnika, a taksama viadzieńnie bajavych dziejańniaŭ va ŭmovach uździejańnia bieśpiłotnikaŭ, u tym liku FPV-dronaŭ.
«Zaniatak pravodziŭsia ŭ tym liku i z bajavymi puskami: jany byli praviedzieny i dniom, i nočču, u składanych umovach nadvorja. Z usimi zadačami rakietčyki spravilisia dastojna», — raskazaŭ Rusłan Čechaŭ.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary