У беларускай арміі адпрацоўваюцца ўдары з выкарыстаннем «Паланэз-М» і «Іскандэр-М»
Заняткі праходзяць у тым ліку на значнай аддаленасці ад пунктаў пастаяннай дыслакацыі, ва ўмовах лясіста-балоцістай мясцовасці, паведаміла Мінабароны.
Па словах начальніка ракетных войскаў і артылерыі Узброеных сіл — начальніка ўпраўлення ракетных войскаў і артылерыі Генеральнага штаба генерал-маёра Руслана Чэхава, прыцягваліся да заняткаў некалькі вайсковых часцей. Яны працавалі на трох палігонах і некалькіх участках мясцовасці.
«Для ўсіх вайсковых часцей ракетных войскаў гэта былі незнаёмыя месцы, што, вядома, ускладняла іх працу. У ходзе кантрольных заняткаў было шмат перасоўванняў, рабілі марш на вялікія адлегласці да 300 кіламетраў. Адмовы тэхнікі не было», — сказаў ён.
Падчас заняткаў таксама адпрацоўвалася процідзеянне дыверсійна-разведвальным групам праціўніка, а таксама вядзенне баявых дзеянняў ва ўмовах уздзеяння беспілотнікаў, у тым ліку FPV-дронаў.
«Занятак праводзіўся ў тым ліку і з баявымі пускамі: яны былі праведзены і днём, і ноччу, у складаных умовах надвор'я. З усімі задачамі ракетчыкі справіліся дастойна», — расказаў Руслан Чэхаў.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя12
Каментары