Suŭładalnik i hałoŭny kanstruktar abaronnaj kampanii Fire Point Dzianis Štylerman apublikavaŭ videa zapusku ŭkrainskich rakiet FP-5 «Fłaminha» pa arsienale Ministerstva abarony RF u Vałhahradskaj vobłaści. Zapis źjaviŭsia ŭ sacsietcy X 12 lutaha.

Paviedamlajecca, što ŭdar byŭ naniesieny pa adnym z najbujniejšych składoŭ bojeprypasaŭ rasijskaj armii, jaki znachodzicca prykładna za 400 kiłamietraŭ ad dziaržaŭnaj miažy Ukrainy. Hienieralny štab Ukrainy paćvierdziŭ vykarystańnie srodkaŭ dalokaha paražeńnia FP-5 «Fłaminha».
Kotłubań. Jekskluzivnie vidieo puskiv. https://t.co/1sSOTTT6o0 pic.twitter.com/4k5NTObP4M
Akramia taho, u horadzie Mičurynsk Tamboŭskaj vobłaści USU atakavali zavod «Prahres», jaki vyrablaje vysokatechnałahičnaje abstalavańnie dla avijacyjnych i rakietnych sistem i pracuje na patreby rasijskaha vojska. Pavodle źviestak Hienštaba, na terytoryi pradpryjemstva ŭźnik pažar, a maštab paškodžańniaŭ udakładniajecca.
Analityki Defense Express miarkujuć, što rakiety «Fłaminha» zdolnyja efiektyŭna pieraadolvać sistemy supraćpavietranaj abarony i radyjoelektronnaj baraćby, bo abodva abjekty pavinny byli mieć surjoznuju achovu.
Unočy 12 lutaha ŭ Vałhahradskaj vobłaści prahučali mahutnyja vybuchi. Paviedamlałasia pra rakietny ŭdar i pažar na vajskovym arsienale ŭ pasiołku Katłubań. Hubiernatar rehijona Andrej Bačaroŭ zajaviŭ, što miascovaja SPA nibyta adbiła ataku, a ŭzharańnie adbyłosia praz padzieńnie abłomkaŭ na terytoryi abjekta Ministerstva abarony.
Raniej, 5 lutaha, paviedamlałasia pra traplańnie ŭ palihon Kapuścin Jar rakietami «Fłaminha» — heta stała pieršym aficyjnym paćviardžeńniem ich vykarystańnia pa terytoryi Rasii.
Minabarony RF upieršyniu pryznała ŭdary pa Rasii novymi ŭkrainskimi rakietami «Fłaminha»
Ukraina zajaŭlaje, što ŭdaryła «Fłaminha» pa palihonie, adkul Rasija zapuskaje «Arešnik». Jaki vynik?
Kudy źnikła «samaja paśpiachovaja rakieta» Ukrainy «Fłaminha»?
Ukraina ŭpieršyniu aficyjna ŭžyła rakiety «Fłaminha»
Ukrainskaja rakieta «Fłaminha» ŭ niečym lepšaja za amierykanskija «Tamahaŭki»
Što viadoma pra kryłatuju rakietu «Fłaminha». Ci dastanie jana da Maskvy i vytvorčaściaŭ šachiedaŭ?
Kamientary