Biełaruski mastak Vadzis Krasoŭski stvaryŭ partret z maniet najbolš paśpiachovaha sučasnaha hruzinskaha futbalista Chvičy Kvaracchielii. Karcina prymierkavanaja da 25‑hodździa napadnika nacyjanalnaj zbornaj Hruzii i francuzskaha kłuba «Pary Sien-Žermien», jakoje jon adznačaje 12 lutaha, piša «Pozirk».
Na partret Krasoŭski vydatkavaŭ 3525 maniet — hruzinskich (minimalnym dziejnym naminałam 5 tetry — jak «znak padmurka, karanioŭ, pachodžańnia») i francuzskich (5 i 10 santymaŭ, jakija vyjšli z abaračeńnia paśla ŭviadzieńnia jeŭra — jak «šlach, adkrytaść śvietu, mižnarodnaje pryznańnie»).
Pavodle jaho słoŭ, hety tvor nie pra futboł, a pra «šlach, krainu, syna Hruzii, jaki idzie napierad — i biare jaje imia z saboj».
Vykarystanyja maniety jon nazvaŭ «nie materyjałam, a śladami času, čałaviečych ruk, daroh i vybaraŭ»: «Ź ich skłaŭsia vobraz čałavieka, jaki vynies imia Hruzii na suśvietny ŭzrovień — spakojna, biez šumu, svajoj hulnioj».
«Maja karcina vielizarnaja, jak haścinnaje serca Sakartvieła. Jana zadumanaja jak publičny žest, jak kulturny simvał», — padkreśliŭ Krasoŭski, pradstaŭlajučy rabotu ŭ svaim tyktok-akaŭncie.
Chviča Kvaracchielija, piacirazovy najlepšy futbalist Hruzii, u składzie «Napali» staŭ dvojčy čempijonam Italii, a ŭ formie «PSŽ» staŭ čempijonam, uładalnikam Kubka i Supierkubka Francyi, vyjhraŭ Lihu čempijonaŭ, Supierkubak UEFA i Mižkantynientalny kubak.
Vadzis (Vadzim) Krasoŭski naradziŭsia ŭ 1972 hodzie ŭ Mahilovie. Mastak, numizmat, stvaralnik techniki Facemoney Illusion. Z 2023 hoda žyvie ŭ Batumi. Jon stvaryŭ partret znakamitaha hruzinskaha artysta Vachtanha Kikabidze, jakoha nie paśpieŭ zastać žyvym, ale ź siamjoj jakoha paznajomiŭsia.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary