Skvier raźmieščany pamiž vulicami Vaniejeva, Aleha Kašavoha i Partyzanskim praśpiektam. Raboty pa ŭparadkavańni pačalisia ŭ krasaviku i zaviaršylisia ŭ pačatku lipienia. Što tam źmianiłasia, pahladzieli «Minsk-Naviny».
Uparadkavańnie skviera źviazana z raźmieščanym pobač budynkam byłoha aŭtavakzała «Uschodni», jaki rekanstrujujuć pad centr techničnaj tvorčaści dla dziaciej i moładzi. Jon zmoža prymać u abjadnańniach pa intaresach 7 tysiač navučencaŭ. Mnohija ź ich, jak čakajecca, buduć prychodzić z baćkami, babulami i dziadulami. A značyć, u skviery nieabchodna stvaryć umovy dla adpačynku, u tym liku aktyŭnaha, roznych katehoryj žycharoŭ.
U skviery źjavilisia mietaličnyja kanstrukcyi z naviesami z polikarbanatu, pad jakimi padviešany areli-«hniozdy». Pobač — vorkaut-placoŭka. Adna sa ścien maje prystasavańni dla zaniatkaŭ skałałažańniem.
Dla amataraŭ spakojnaha adpačynku i nazirańnia za krajavidam ustalavali 14 łavak. Čatyry łavy abstalavany soniečnymi panelami, jakija siłkujuć USB-porty — možna padsiłkavać telefon ci noŭtbuk.
Taksama ŭ skviery pastavili infarmacyjnyja ščyty pra ryb i ptušak Ślapianskaha kanała.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary