18:15 Apytanyja ŭsie śviedki z boku milicyi. Abvieščany pierapynak da zaŭtra.
18:15 Apytanyja ŭsie śviedki z boku milicyi (kala 10 čałaviek). Abvieščany pierapynak da zaŭtra. Pačatak a 10:30.
16:23 Dapytany śviedka Karavajeŭ. Jon raskazvaŭ užo pra padziei 10 studzienia. Karavajeŭ skazaŭ, što bačyŭ, jak demanstranty nieśli raściažki, na jakich proźvišča prezydenta było napisana z abraźlivymi słovami.
Taksama jon zaznačyŭ, što z adlehłaści 300 m bačyŭ, jak abvinavačanyja bili škło ŭ aŭtobusie maršrutu №100. "U mianie vielmi dobry zrok, tamu mianie i ŭziali ŭ milicyju", -- skazaŭ Karavajeŭ.
Jašče zastałosia dapytać kala 10 śviedkaŭ pa spravie 10 studzienia. I napeŭna siońnia ŭsie nia buduć apytanyja.
Tym časam sudździa Iljina -- miž inšym jana vynosiła apošni prysud Klimavu -- praciahvaje rabić zaŭvahi padsudnym za pavodziny padčas pracesu, u pryvatnaści, Tacianie Ciškievič i Michaiłu Paškieviču za śmiech z nahody zajavy, što Kim pryjšoŭ na akcyju pratestu z hramafonam. Iljina skazała, što jašče adna zaŭvaha, i padsudnyja buduć vydalenyja z zali sudu.
15:31 Śviedka Sirač zajaviŭ, što dobra bačyŭ momant udaru. Pa jahonych słovach, udar byŭ naniesieny pravaj rukoj. Andrej Kim -- laŭšun.
15:02 Śviedka Bliščoŭ pryznaŭsia, što nia bačyŭ, jak Kim nanosiŭ udar Syčovu, a viedaje heta tolki sa słovaŭ naparnika.
Bliščoŭ taksama lapnuŭ, što Kim išoŭ na akcyi z hramafonam. Śmiech u zali.
14.57 Pačaŭsia dopyt śviedkaŭ.
14:52 Syčoŭ, u svaju čarhu, zajaviŭ, što Kim nanios jamu adzin udar u tvar, niedaloka ad HUMu, kali moładź sprabavała prarvać łancuh DAI. Andrej Kim admaŭlaje heta.
14:32 Daje pakazańni Andrej Kim. Jon daje pakazańni tolki pa 21-ha studzienia. Chłopiec skazaŭ, što ŭpieršyniu bačyć paciarpiełaha Syčova tolki ŭ pastarunku. Skazaŭ taksama, što nikoha nie źbivaŭ.
14:23 Praces adnoŭleny. Usie inšyja abvinavačanyja admovilisia davać pakazańni.
12:50 Uładzimier Siarhiejeŭ admoviŭsia davać pakazańni, bo ličyć sud niespraviadlivym.
Michaił Paškievič adznačyŭ, što byŭ na akcyi tamu, što jahony baćka pradprymalnik, a ŭkaz Łukašenki paŭpłyvaŭ na stanovišča siamji j jon pryjšoŭ vyrazić svoj pratest zamiest baćki.
Michaił Kryvaŭ skazaŭ, što akcyja mieła mirny i niehvałtoŭny charaktar. I jak u eŭrapiejskich krainach, haradzkija ŭłady musili praduhledzieć zapasnyja varyjanty ruchu transpartu.
Choć chadatajnictva viadzieńnia pracesu pa-biełarusku było adchilena, advakat Halijeŭ paprasiŭ, kab tyja repliki, jakija kazalisia pa-biełarusku, zapisvalisia taksama pa-biełarusku.
U pracesie abvieščany pierapynak da 14 hadzin.
12:45 U zali sudu prachodziać dopyty abvinavačanych. Apytali Michaiła Paškieviča j Michaiła Kryvava.
12:30 Kala «Motavieła» na prypynku specnazaŭcy skazali rešcie ŭdzielnikaŭ hrupy padtrymki, kab tyja išli svaim chodam u Zavodzki RUUS.
Chłopcy ž i dziaŭčyny dačakalisia hramadzkaha transpartu j pajechali nazad da budynku sudu.
12:25 Bolšaści ŭdzielnikaŭ hrupy padtrymki pa adnym i parami ŭdałosia ŭciačy dvarami. Rešta — 4 čałavieki — u supravadžeńni 8 specnazaŭcaŭ dajšli ŭžo da «Motavieła».
12:05 Tym časam u sudzie nichto z abvinavačanych nie pryznaŭ svajoj viny. Abvinavačańnie padsudnych hruntujecca na pakazańniach śviedkaŭ, fota- i videazdymkach.
12:00 Paśla nievialikaj paŭzy dy pieramoŭ z načalstvam eskort z 15 bajcoŭ specnazu pavioŭ hrupu padtrymki dalej na paŭdniovy ŭschod pa vulicy Lenina, u bok Traścianieckaj vulicy.
11:50 Tym časam hrupu padtrymki z‑pad ścienaŭ sudu «daviali» až da stancyi metro «Pieršamajskaja», heta niedzie za kilametar ad sudu. Adnak u metro aktyvistam spuskacca nie dajuć. Adzin z specnazaŭcaŭ skazaŭ: «budziem hulać pakul nie ściamniecca»
11:35 Chadajnictva adnosna pierakładčyka j viadzieńnia pracesu pa-biełarusku adchilenaje z tym tłumačeńniem, što «nakiravanaje na zaciahvańnie pracesu».
11:30 Ludziej z partretami adciskajuć z-pad budynku sudu. Tyja nie supraciŭlajucca j iduć papieradzie milicyjantaŭ z padniatymi partretami.
11:15 U razhladzie spravy abvieščany pierapynak.
Na pracesie prysutničajuć usie abvinavačanyja. Źjaviŭsia paciarpieły — Ihar Syčoŭ.
Dziaržaŭnym abvinavaŭcam źjaŭlajecca namieśnik prakuroru Centralnaha rajonu Miensku Andrej Ramašeŭski.
Prajšło aznajamleńnie ź bijahrafičnymi źviestkami padsudnych.
Michaiłam Paškievičam, Antonam Kojpišam, Alesiem Stralcovym i Arciomam Dubskim było zajaŭlena chadajnictva, kab praces i spravavodztva vialisia na biełaruskaj movie.
Dziaržabvinavaŭca skazaŭ, što hetaje chadajnictva niemahčyma zadavolić, bo, pavodle jahonych słoŭ, usie abvinavačanyja pavinny dobra vałodać rasiejskaj movaj, bo ŭsie vučylisia ŭ škołach, universytetach i inšych navučalnych ustanovach. Ramašeŭski taksama zajaviŭ, što Paškievič naradziŭsia ŭ Komi i dakładna musić vałodać rasiejskaj movaj. Michaił Paškievič na heta zajaviŭ, što dla jaho hetaje pytańnie jość pryncypovym.
Pierad varotami sudu 15 maładych ludiezj, siarod ich Artur Fińkievič i Źmicier Daškievič, stali ŭ šerah z partretami aktyvistaŭ, jakich ciapier sudziać.
Najstarejšy z abvinavačanych — Michaił Kryvaŭ, jamu 30 hadoŭ. Samaja maładaja — Taciana Ciškievič, joj dvaccać.
Advakaty ŭ pracesie:
- Śviatłana Harbatok (u Antona Kojpiša, Alesia Stalcova),
- Pavał Sapiełka (u Arcioma Dubskaha, Alesia Čarnyšova)
- Marjana Siamieška (u Alaksieja Bondara, Uładzimiera Siarhiejeva)
- Alaksandar Halijeŭ (u Taciany Ciškievič, Michaiła Kryvava, Michaiła Paškieviča)
10:30 Urešcie praces pačaŭsia. Abvinavačanych puścili ŭ sud u majkach z cytataj z Kanstytucyi. U zali — kala 70 čałaviek.
10:00 U sudzie Centralnaha rajonu stalicy pačynajecca razhlad spravy ŭdzielnikaŭ vuličnych manifestacyj 10 studzienia.
Pierad pačatkam pracesu la budynku sudu pa vulicy Kirava, 21 sabrałosia kala 70‑80 čałaviek, jakija pryjšli padtrymać abvinavačanych.
U zalu, adnak, patrapili tolki kala dźviuch dziasiatkaŭ čałaviek. Siarod ich pradstaŭniki amerykanskaha j słavackaha pasolstvaŭ, niekatoryja žurnalisty j pravaabaroncy.
Cikava, što ŭ budynak sudu nie puskajuć fihurantaŭ spravy. Sprava ŭ tym, što ŭsie jany apranutyja ŭ biełyja majki, na jakich śpieradu napisana «Lublu Biełaruś», a zzadu — «Svaboda schodaŭ, mitynhaŭ, vuličnych šeściaŭ, demanstracyj i pikietavańniaŭ harantujecca dziaržavaj. Artykuł 35 Kanstytucyi RB». Ad ich patrabujuć, kab jany źniali hetyja majki.
A 10‑j hadzinie fihuratny spravy ŭstali pierad sudom na hanku j prahukali «Razam».
Praces viadzie sudździa Alena Iljina.
Na łavie padsudnych — adnačasova až 10 čałaviek: Andrej Kim, Michaił Paškievič, Alaksiej Bondar, Uładzimier Siarhiejeŭ, Arciom Dubski, Aleś Stralcoŭ, Aleś Čarnyšoŭ, Anton Kojpiš, Michaił Kryvaŭ i Taciana Ciškievič. Kim budzie siadzieć u sudovaj kletcy, inšyja fihuranty spravy raźmieściacca ŭ zali.
Alaksandra Barazienku, Paŭła Vinahradava, Michaiła Subača i niepaŭnaletniaha Maksima Dašuka buduć sudzić paźniej. Hetaja čaćviorka niasvoječasova aznajomiłasia z materyjałami spravy, tamu praces nad imi i pieranieśli na niavyznačany termin.
Andreja Kima buduć sudzić adrazu pa dvuch artykułach KK, aproč akcyi pradprymalnikaŭ, u vinu jamu stavicca źbićcio supracoŭnika DAI na mitynhu 21 studzienia. Tolki pa druhoj spravie jamu pahražaje da 6 šaści hadoŭ źniavoleńnia. Ad 31 studzienia A.Kim znachodzicca ŭ SIZA na Vaładarskaha.
1 krasavika sudździa Iljina pa chadajnictvie dziaržabvinavaŭcy pastanaviła abjadnać dźvie kryminalnyja spravy suprać moładzievaha aktyvista ŭ adnu.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary