18:19 Sudovy dzień skončany. Praciah pracesu zaŭtra a 10-j.
18:19 Sudovy dzień skončany. Praciah pracesu zaŭtra a 10-j.
Ranica pačniecca sa znajomstva ź videamateryjałami.
17:56 Źjaviŭsia śviedka Alaksiej Korziuk.
17:12 Idzie aznajamleńnie ź piśmovymi materyjałami pa spravie Kima.
16:30 Skončany razhlad fotamateryjałaŭ. Advakat Pavał Sapiełka vykazaŭ pretenziju, što razhlad fotamateryjałaŭ zrobleny ŭ parušeńnie kryminalna-pracesualnaha zakanadaŭstva. U pryvatnaści, sudździa rabiła sama partretnuju identyfikacyju abvinavačanych na zdymkach, nia majučy na heta prava. Paŭła Sapiełku padtrymali inšyja advakaty.
Advakat Andreja Kima Sidarenka zajaviła, što sudździa taksama rabiła vysnovy ad dziejańni Kima (kryčaŭ, razmachvaŭ rukami) na padstavie statyčnych zdymkaŭ.
15:34 Pačaŭsia razhlad fotamateryjałaŭ spravy.
15:26 Abvinavačańnie hruntujecca na infarmacyi sajtaŭ tut.baj, "Salidarnaści", BiełaPAN, naviny.by, Kamsamołki.
15:22 Pavodle padlikaŭ, subjekty haspadarańnia stracili 10 studzienia 124 młn rubloŭ.
15:18 BT pieradavała sva videmateryjały ŭ KDB, taksama ŭ spravie fihuruje videa ONT
14:54 Dopyt śviedkaŭ skončany, ciapier źbirajucca ź piśmovymi materyjałami spravy.
14:45 Dapytali Andreja Navumava, ciapier dapytvajuć Šaramieta (nia Paŭła!) -- abodva supracoŭniki DAI.
14:38 Dapytali śviedku Subača (DAI), jaki skazaŭ, što jahonaha kalehu Syčova źbili 10 studzienia (Kima ž sudziać za 21 studzienia).
Majstar nastrojvaŭ televizar, tak što siońnia, napeŭna. pačnuć znajomicca z materyjałami spravy.
13:00 U pracesie abvieščany pierapynak da 14-j hadziny.
12:50 Padbiarozkin skazaŭ, što mienšyja formy źbićcia byli ŭ mnohi supracoŭnikaŭ DAI, što jaho asabista ŭdaryli ŭ śpinu. Samu akcyju nazvaŭ biasčynstvam i vakchanalijaj. Zajaviŭ, što supracoŭniki DAI 40 chvilin uhavorvali prapuścić mašynu chutkaj dapamohi, na što demanstranty kazali, vy nie razumiejecie, my robim vialikuju spravu.
Sudździa ŭ chodzie pasiedžańnia rabiła zaŭvahi Tacianie Ciškievič i Michaiłu Paškieviču za toje, što jany śmiajalisia z pakazańniaŭ śviedkaŭ, pahražała vydalić Ciškievič i Paškieviča z zali.
12:40 Śviedka Padbiarozkin paviedamiŭ, što Taciana Ciškievič ahresiŭna kidałasia na supracoŭnikaŭ DAI, a taksama była ŭ avanhardzie nieŭtajmavanaj kalony BNF.
Padbiarozkin taksama zapeŭnivaŭ, što niekatoryja mitynhoŭcy byli pjanyja, ad ich patychała alkaholem, kazaŭ, što jaho taksama źbivali. Padiabrozkin — niepasredny načalnik paciarpiełaha Syčova.
12:15 Śviedka Radzievič ź Miensktransu zajaviŭ, što niekatoryja maršruty aŭtobusaŭ zmahli puścić alternatyŭnymi šlachami (40, 50), a niekatoryja — nie (1, 100, 515).
12:00 Śviedka Dzieraviaška zapeŭniŭ, što 10 studzienia mahčymaści arhanizavać alternatyŭny ruch hramadzkaha transpartu nie było.
11:40 Praciahvajecca dopyt śviedkaŭ. Z boku abvinavačańnia zastałosia 9 śviedkaŭ. Śviedka Abramaŭ skazaŭ, što moładź na akcyi 10 studzienia nie prapuskała chutkuju, a taksama raźbiła škło aŭtobusu sotaha maršrutu. Nikoha z abvinavačanych jon nia bačyŭ.
Taksama Abramaŭ skazaŭ, što demanstranty pierakryvali praspekt Pieramožcaŭ.
11:25 Sudździa papiaredziła, što ŭ vypadku niasvoječasovaha źjaŭleńnia abvinavačanych na pasiedžańni źmienić mieru strymańnia na znachodžańnie pad vartaj
11:16 Praces jašče nie pačaŭsia.
Usie abvinavačanyja znachodziacca ŭ zali. Prapuścili j ich dziaŭčyn. Cikava, što najpierš u zali zaniali kala dvuch dziasiatkaŭ miescaŭ śviedki, u tym liku tyja, što davali pakazańni ŭčora. Heta vyklikała abureńnie prysutnych, bo śviedki nia mohuć prysutničać u zale ŭ časie pasiedžańnia, i pierad pačatkam ich usich paprosiać vyjści, a z-za hetaha nia inšyja achvotnyja nia zmohuć trapić na praces.
11:00 U budynak sudu prapuścili ŭsich achvotnych.
10:55 U budynku sudu znachodzicca kala 30 čałaviek. Fihuranty spravy pryjšli sa svaimi dziaŭčynami, ale dziaŭčyn admovilisia puskać u zalu. Padsudnyja ŭ svaju čarhu admovilisia zachodzić bieź dziaŭčyn. Pasiedžańnie nie pačynajecca.
U sud pryjšli Alaksandar Milinkievič, Ihar Rynkievič, Viačasłaŭ Siŭčyk, Valancin Stefaonvič, dyplamaty.
10:40 La prachadnoj kala 30 čałaviek, ich nie puskajuć u sud, matyvujučy tym, što zala sudu poŭnaja. Choć, nakolki možna mierkavać, zala paŭpustaja.
Doŭhi čas admaŭlalisia puskać maci adnaho z abvinavačanych.
Ciapier čytajuć
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ2
Kamientary