Žychar Salihorska paskardziŭsia na miascovych daišnikaŭ — tyja nie zmahli skłaści pratakoł na biełaruskaj movie. Adnak u UUS Minskaha abłvykankamu adkazali, što parušeńnia ź ich boku niama.
Sprava adbyłasia jašče ŭ červieni. Alaksandra Małočku supracoŭniki Salihorskaha DAI spynili za drobnaje parušeńnie. Razmaŭlać ź imi Alaksandr pačaŭ pa-biełarusku, i paprasiŭ, kab pratakoł byŭ składzieny na biełaruskaj movie. Ale ničoha nie atrymałasia.
«Z tym faktam, što štorki na maim aŭto źjaŭlajucca parušeńniem pravił darožnaha ruchu, ja absalutna pahadziŭsia. Ale ja papiaredziŭ supracoŭnikaŭ DAI, što budu karystacca biełaruskaj movaj i zapatrabavaŭ ad ich jak ad dziaržaŭnych słužačych taho ž. Taksama ja zapatrabavaŭ, kab pratakoł byŭ składzieny pa-biełarusku i na biełaruskamoŭnym błanku, a inakš ja nie pryznaju fakt pravaparušeńnia, — raspavioŭ PC «Viasna» Alaksandr Małočka. — Na žal, adzinaje, što ja pačuŭ ad inśpiektara Sinielnikava, jaki navat nie pradstaviŭsia pa formie, jak taho patrabuje pracedura, heta słova «kali łaska». Na majo zakonnaje patrabavańnie pradstavić mnie pierakładčyka vyšejzhadany supracoŭnik DAI nijak nie adreahavaŭ dy praciahvaŭ źviartacca da mianie tolki na ruskaj movie».
Paśla Małočka napisaŭ skarhu ŭ miascovuju prakuraturu. Ale papieru nakiravali va UUS Minskaha abłvykankama. Adkaz na skrahu, za podpisam časova vykonvajučaha abaviazki načalnika ŭpraŭleńnia Alaksandra Astrejki, pryjšoŭ. U im śćviardžajecca, što nijakaj prablemy nie isnuje.
U liście havorycca, što składańnie pratakołu supracoŭnikami DAI na ruskaj movie, niahledziačy na patrabavańni kiroŭcy nakont biełaruskaj, całkam adpaviadaje dziejučamu zakanadaŭstvu i patrabavańniam Pracesualna-vykanaŭčaha kodeksu, jaki dazvalaje vieści administracyjny praces na biełaruskaj abo ruskaj movie. Pierakładčyka ž Alaksandru Małočku nie pradstavili nibyta z-za adsutnaści adpaviednaha chadajnictva.
Alaksandr Astrejka spasłaŭsia na isnujučuju ŭ Pracesualna-vykanaŭčym kodeksie mahčymaść vieści praces na luboj ź dziaržaŭnych moŭ. Znajšłasia dla supracoŭnikaŭ milicyi i lehalnaja mahčymaść ihnaravać moŭnyja pravy hramadzian, niahledziačy na patrabavańnie zakanadaŭstva da dziaržaŭnych słužboŭcaŭ ab abaviazkovym vałodańni abiedźviuma dziaržaŭnymi movami.
Vyjaviłasia, što zakanadaŭstvam krainy, a taksama viedamasnymi narmatyŭnymi pravavymi aktami Ministerstva ŭnutranych spraŭ nie praduhledžana adkaznaść supracoŭnikaŭ milicyi za nievałodańnie adnoj ź ich.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary