Biaźvizavy režym pamiž Biełaruśsiu i Izrailem pačnie pracavać nie raniej za sakavik 2015 hoda
Ale jon nie budzie raspaŭsiudžvacca na ŭładalnikaŭ słužbovych i dypłamatyčnych pašpartoŭ.
Ab hetym na bryfinhu 4 śniežnia ŭ Minsku paviedamiŭ izrailski pasoł Iosif Šahał.
Nahadajem, mižuradavaje pahadnieńnie pra admienu viz pamiž Biełaruśsiu i Izrailem było padpisanaje 19 vieraśnia hetaha hoda.
Pavodle słoŭ Šahała, «admiena vizavaha režymu nie praduhledžvaje admieny viz dla ŭładalnikaŭ słužbovych i dypłamatyčnych pašpartoŭ, tolki dla ŭładalnikaŭ nacyjanalnych pašpartoŭ».
Dypłamat źviarnuŭ uvahu na toje, što na siońniašni dzień vizavy režym pamiž dźviuma krainami dziejničaje. U izrailskaha pasolstva, skazaŭ jon, jość padstavy mierkavać, što vialikaja kolkaść biełarusaŭ niapravilna zrazumieli paviedamleńnie ab biaźvizavym režymie:
«Narod dakładna adličyŭ 90 dzion ad 19 vieraśnia, i my baimsia, što 20 śniežnia ludzi łamanucca na miažu bieź vizaŭ… Ludzi ŭžo zakazvajuć bilety, haścinicy — zima, Novy hod… Jość infarmacyja, što dziasiatki try biełarusaŭ nabyli pucioŭki, ale da nas [u pasolstva] nie pryjšli», — rastłumačyŭ Šahał.
Jon adznačyŭ, što pavodle ŭmoŭ pahadnieńnia biaźvizavy režym pamiž Biełaruśsiu i Izrailem ustanovicca praz 90 dzion paśla taho, jak hety dakumient ratyfikujuć parłamienty dźviuch krain, i nie raniej. «Kneset samaraspuskajecca ŭ paniadziełak. U niadzielu [7 śniežnia] adbudziecca pasiadžeńnie kamisii Kneseta pa ŭnutranych spravach, jany padrychtujuć hetaje pytańnie… Ja spadziajusia, što ŭ hetym miesiacy ŭsie pracedury zavieršacca, i ŭ sakaviku ŭ nas pačnie pracavać biaźvizavy režym», — skazaŭ dypłamat.
Što ž datyčycca biełarusaŭ, jakija ŭžo zapłanavali najbližejšym časam pajezdku ŭ Izrail, nabyli pucioŭki, bilety ci zabraniravali hateli, to izrailskaje pasolstva hatovaje dapamahčy im atrymać pakul jašče nieabchodnyja vizy, akazvajučy pasłuhi praktyčna «ŭ režymie non-stop».
Iosif Šahał taksama adznačyŭ, što atrymać izrailskuju vizu ciapier nie nastolki ciažka — jaje košt dla biełarusaŭ składaje 26 dalaraŭ. U toj ža čas izrailcianinu biełaruskaja viza siońnia abychodzicca ŭ 120 jeŭra.
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho5
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary