U RUUS Pieršamajskaha rajona Minska prajšło pasiadžeńnie, na jakim była razhledžanaja sprava staršyni praŭleńnia Centra pravavoj transfarmacyi Aleny Tankačovaj.
Pavodle rašeńnia milicyi pravaabaroncu departujuć ź Biełarusi terminam na try hady. Na vyjezd z krainy Tankačovaj dadzieny miesiac.
Što ž pryčyny stali dla takoha rašeńnia? «Zhodna z artykułam 948 Hramadzianskaha kodeksu Biełarusi, aŭtamabil źjaŭlajecca krynicaj pavyšanaj niebiaśpieki. Kiravańnie hramadziankaj Rasijskaj Fiederacyi Tankačovaj Alenaj Barysaŭnaj aŭtamabilem z pavyšeńniem ustalavanaj chutkaści ruchu, mahło pryvieści, da pryčynieńnia hramadzianam cialesnych paškodžańniaŭ ci pryvieści da ich śmierci». Heta źjaŭlajecca adzinaj pryčynaj dla departacyi.
«Pakolki ŭsim nam viadoma, nijakich dziejańniaŭ, što pryviali da śmierci ci cialesnych paškodžańniaŭ, akramia ŭstalavanych niešmatlikich pieravyšeńniaŭ chutkaści, nie było. Nastolki zabaŭnaha abhruntavańnia vysyłki budzie ciažka ŭzhadać navat z savieckich časoŭ», - skazała Tankačova.
Alena Tankačova žyvie ŭ Biełarusi ad 1985 hoda. Pravaabaroncy źviazvajuć anulavańnie jaje vida na žycharstva ź jaje dziejnaściu. Spn.Alena ŭznačalvaje Centr pravavoj transfarmacyi Lawtrend. Taksama apošnim časam jana rychtavała alternatyŭny dakład ab situacyi z pravami čałavieka ŭ Biełarusi dla AAN. U Biełarusi ŭ Aleny Tankačovaj majomaść, jejnaja dačka źjaŭlajecca hramadziankaj Biełarusi.
Aktyvisty hramadzianskaj supolnaści sabrali kala 7 tysiač podpisaŭ pa prośbaj nie vysyłać Tankačovu z krainy.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary