Prarasijskija sieparatysty na ŭschodzie Ukrainy vyzvalili apošniuju hrupu naziralnikaŭ ABSIE, zatrymanych u kancy traŭnia pad Łuhanskam.
«Čaćviora členaŭ łuhanskaj śpiecyjalnaj manitorynhavaj misii ABSIE, jakaja źnikła 29 traŭnia, była adpuščanaja ŭ subotu ŭviečary», — havorycca ŭ paviedamleńni arhanizacyi.
U paviedamleńni taksama skazana, što hrupa ŭklučaje hramadzian Hiermanii, Niderłandaŭ, Rasii i Ispanii. Pa dadzienych ABSIE, adčuvajuć jany siabie narmalna.
Paśla vyzvaleńnia zamiežnikaŭ dastavili ŭ daniecki hatel Park Inn, dzie pražyvajuć inšyja členy misii ABSIE.
Razam z naziralnikami ŭ Danieck taksama prybyŭ premjer samaabvieščanaj «Danieckaj narodnaj respubliki» Alaksandr Borodaj. Pavodle jaho słoŭ, naziralniki ŭvieś hety čas znachodzilisia na terytoryi tak zvanaj «Łuhanskaj narodnaj respubliki».
Misija ABSIE pracuje na zaprašeńnie ŭrada Ukrainy, termin jaje znachodžańnia ŭ krainie składaje šeść miesiacaŭ.
Kijeŭ čakaje, što misija ABSIE zmoža naładzić nazirańnie za režymam spynieńnia ahniu, a taksama kantrol za učastkam ŭkraina-rasijskaj miažy ŭ rajonie, dzie ŭkrainskija vojski pravodziać śpiecapieracyju.
Raniej prezident Ukrainy Piotr Parašenka padoŭžyŭ termin pieramirja na paŭdniovym uschodzie krainy na try dni — da 22:00 paniadziełka 30 červienia.
«Ukraina čakaje, što za čas spynieńnia prymianieńnia siły adbudziecca zakryćcio punktaŭ viarboŭki najmitaŭ na terytoryi Rasijskaj Fiederacyi i spynieńnie pieramiaščeńnia niezakonnych uzbrojenych farmiravańniaŭ na terytoryi Danieckaj i Łuhanskaj abłaściej», — havorycca ŭ zajavie pres-słužby Parašenki.
Pavodle acenki AAN, ź siaredziny krasavika na ŭschodzie Ukrainy ŭ sutyknieńniach pamiž ukrainskimi vojskami i prarasiejskimi sieparatystami zahinuła bolš za 420 čałaviek.
Kamientary