Vydatny dzień Biełarusi: dva załatyja miedali i adna bronza ciaham adnaho viečara. Zołata ŭ indyvidualnaj honcy ŭ bijatłonie vyjhrała Darja Domračava. Uviečary zołata ŭ łyžnaj akrabatycy zavajavała Ała Cupier. Nadzieja Skardzina ŭ bijatłonie zavajavała bronzu.
Darja Domračava navat z adnym promacham na pieršaj stojcy zavajavała druhi załaty miedal. Honka doŭhaja – až 15 kiłamietraŭ. Tamu chvilinu času jana vielmi chutka adyhrała nahami.
Druhoj stała šviejcarka Sielina Hasparyn. Jana adstralałasia absalutna dakładna. Hetkaj samaj trapnaj była i jašče adna biełaruskaj spartsmienka Nadzieja Skardzina. Jana zakryła ŭsie dvaccać taleračak.
Paśla finišu Nadziei byli jašče dumki, ci nie apiaredziać jaje bolš chutkija dziaŭčaty, jak finka Makiarajnien i češka Soŭkałava. Ale nie! Skardzina zastałasia treciaj.
Nadzieja Skardzina – naradziłasia ŭ Sankt-Pieciarburhu. Tam pačynała vučycca bijatłonu. Ale nie vytrymała vializnaj kankurencyi ŭ Rasii. U Biełarusi jana stała jak bijatłanistka pad kiraŭnictvam vydatnaha treniera Kłaŭsa Zibierta. Nadzieja da hetaha dvojčy traplała na pjedestał u etapach Kubka śvietu. Skardzina – adzin ź lepšych strałkoŭ suśvietnaha bijatłona.
Vydatnaje dasiahnieńnie biełaruskaha bijatłona. U žančyn jašče budzie honka z masavaha startu, estafieta i źmiešanaja estafieta.
A ŭviečary pryjšli vydatnyja naviny z łyžnaj akrabatyki. Alimpijskaj čempijonkaj stała Ała Cupier.
Ała prabiłasia ŭ pieršy finał z apošniaha miesca (12 najmacniejšych), potym u druhi finał (top-8), u trecim finale startavała z 4-ha miesca, bliskuča skočyła, tady jak kitajanka Li Nina i Lidzija Łasiła (Aŭstralija) zvalilisia. A Ksiu Mintao (Kitaj) niaroŭna pryziamliłasia i nabrała mieniej bałaŭ.
Takim čynam u Biełarusi na Alimpijadzie absalutny rekord dla zimovych Hulniaŭ (try zołaty, adna bronza).
Ała Cupier prypyniała karjeru paśla naradžeńnia dački, ale viarnułasia ŭ frystajł. Jana nie mieła namieru jechać na Alimpijadu, ale nie było kim zamianić jaje, i jana pahadziłasia
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary