Андрэй Расінскі. Кадры11

Піраты Карыбскага мора 3: На ўскрайку сьвету

Трэцяя частка піратаў пераўзыйшла ўсе чаканьні. Прыгоды, якія варта пабачыць.

Піраты Карыбскага мора 3: На ўскрайку сьвету (Pirates of the Caribbean: At Worlds End)

ЗША, 2007, каляровы, 168 хв.

Рэжысэр: Гор Вэрбінскі

Ролі выконваюць: Джоні Дэп, Кіра Найтлі, Арланда Блум, Джэфры Раш, Джонатан Прайс, Чоў Юн-Фат, Біл Найі, Том Голандэр, Кіт Рычардз

Жанр: Прыгоды

Адзнака: 8,5 (з 10)

poster via film.ru

На піратаў абвешчана паляваньне. Лорд Бэкет, які атрымаў кантроль над містычным “Лятучым галяндцам” зьнішчае свабодалюбны народ на шыбеніцах. Уіл Тэрнэр, Элізабэт Сўон і капітан Барбоса адпраўляюцца на край сьвету, каб вызваліць зь пякельнае пасткі Джэка Вераб’я (Джоні Дэп). Сама эксцэнтрычны пірат усіх часоў і народаў канчаткова – (і таленавіта!) – зьехаў з глузду. Але ён – адзін зь дзевяці пірацкіх баронаў. І толькі разам можна абвясьціць вайну Ост-Індзкай кампаніі, у паслугачах якой шчупальцатвары Дэйвід Джонз…

Другая частка Карыбскіх піратаў – “Куфар мерцьвяка” – выглядала паўзай пасьля ўдалага старту “Чорнай жамчужыны”. Але трэцяя частка пераўзыйшла ўсе чаканьні.

Трохгадзінны дыснэеўскі атракцыён задае новы стандарт прыгодніцкага кіно – і зьмяшчае ўсё.

Пірацкая рамантыка, каханьне, звышвідовішчныя бойкі (сцэна над марской безданю – сапраўдны кінацуд!), містыка з арт-гаўзнымі элемэнтамі (Джоні Дэп і ягоныя клоны), гэгі, старажытныя міты, касьцюмная драма (мастакі пабудавалі сінгапурскі горад XVII стагодзьдзя).

Шызоідныя кашмары Джоні Дэпа, які аддае каманды сябе самому – і сябе самога забівае – упрыгожылі бы й фэстывальны фільм, але ў карціне Гора Вэрбінскі самыя складаныя прыёмы кінамовы зразумелыя ўсім і кожнаму. (На экране зьяўляецца й прататып Джэка Вераб’я – рокер-наркуша Кіт Рычардз у ролі татусі Джэка).

Усе героі падманваюць адзін аднаго, падстаўляюць, пераходзяць на супрацьлеглы бок (што суправаджаецца бойкамі й уцёкамі) – добрапрыстойнае пірацкае кіно канчаткова становіцца самай чароўнай і зубадрабільнай вар’ятняй, у якую ня сорамна звадзіць дзетак.

Над марскою варонкай счапіліся два караблі, малпа-артылерыст па наводцы папугая вядзе абстрэл ворагаў, шальное вясельле пад звон мячоў, разумныя камяні-крабы, аграмадная багіня Каліпса – і гратэскны пірацкі Інтэрнацыянал.

Усе на абардаж кінатэатраў!

Калі квіткоў хопіць.

Усе фільмы

Каментары1

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Рамзан Кадыраў ледзь не патануў на адпачынку ў Турцыі9

Крывавая страляніна: што адбываецца паміж Камбоджай і Тайландам?

«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск3

Галоўны трэнер «Нёмана» выканаў дзіўны танец пасля перамогі ў матчы Лігі канферэнцый

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму11

Францыя вырашыла прызнаць Палесцінскую дзяржаву. Ізраіль заявіў, што гэта «ўзнагарода за тэрарызм»15

Каранавірус паскорыў старэнне мозгу нават у тых, хто не хварэў4

Мінскае «Дынама» без шанцаў прайграла албанскай «Эгнаціі»2

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць