З 22 жніўня ў ЗША пачалі дзейнічаць новыя 50‑працэнтныя мыты на шэраг канадскіх тавараў. Гэта адбылося пасля таго, як чарговы раўнд гандлёвых перамоў паміж Вашынгтонам і Атавай завяршыўся без дамоўленасці, піша The Wall Street Journal.
Першапачаткова новыя тарыфы павінны былі пачаць дзейнічаць 20 жніўня. Аднак 19 жніўня Дональд Трамп заявіў, што іх увядзенне адкладаецца на тры дні пасля таго, як бакі нібыта дамовіліся пра аднаўленне праекта нафтаправода Keystone XL. Па ім планавалася транспартаваць канадскую нафту ў ЗША.
Канадскі прэм’ер-міністр Марк Карні таксама казаў пра значны прагрэс у перамовах. Аднак увечары 21 жніўня перамовы зноў сарваліся, і ўжо на наступны дзень новыя мыты набылі моц.
Яны закранулі каля 5% канадскага экспарту ў ЗША. У спіс трапілі сотні тавараў агульным коштам больш за 28 мільярдаў даляраў. Сярод іх — фанера, цэмент, віно, хакейныя клюшкі і іншая прадукцыя.
Канада спрабуе дамагчыся ад Вашынгтона змякчэння раней уведзеных мытаў на сталь, алюміній, аўтамабілі і піламатэрыялы. Аднак ЗША пакуль не гатовыя ісці на такія саступкі.
Такім чынам, гандлёвае супрацьстаянне паміж ЗША і Канадай працягваецца, а новыя амерыканскія тарыфы яшчэ больш пашыраюць пералік канадскіх тавараў, якія абкладаюцца высокімі мытамі.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь24
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары