гэта адбылося ў сувязі з пагрозай з боку Ірана.
Дональд Трамп у пачатку ліпеня таемна вылецеў з Анкары, дзе праходзіў саміт НАТА, на ваенна-транспартным самалёце, а не на прэзідэнцкім, піша The Washington Post. Паводле інфармацыі выдання, гэта адбылося ў сувязі з пагрозай з боку Ірана
Прэзідэнт ЗША Дональд Трамп у пачатку ліпеня таемна вылецеў з Анкары, дзе праходзіў саміт НАТА, на ваенна-транспартным самалёце ў сувязі з пагрозай, звязанай з Іранам, хоць Белы дом сцвярджаў, што кіраўнік дзяржавы знаходзіцца на борце свайго прэзідэнцкага авіялайнера, піша The Washington Post са спасылкай на высокапастаўленых амерыканскіх чыноўнікаў і дакументы, якія апынуліся ў распараджэнні рэдакцыі.
Паводле выдання, для забеспячэння бяспекі была разыграна складаная сцэна: перад тэлекамерaмі ў Анкары Трамп падняўся на борт прэзідэнцкага лайнера, аднак праз некалькі хвілін пасля пасадкі прэзідэнта яго таемна пераправілі на меншы самалёт — Air Force C-32A — з дапамогай звычайнага грузавіка для кейтэрынгу.
Стары самалёт Air Force One выконваў ролю «прыманкі» — на яго борце знаходзіліся журналісты і частка супрацоўнікаў Белага дома, якія не былі ўведамленыя пра падмену і верылі, што прэзідэнт ляціць разам з імі.
8 ліпеня The New York Times са спасылкай на інфармацыю Сакрэтнай службы паведаміла, што Трамп адправіўся на саміт у Турцыю на новым самалёце, падораным каралеўскай сям’ёй Катара, але назад паляцеў на старым, паколькі новы не быў абсталяваны неабходным камплектам «сістэм для абароны ад ракет».
Менш чым праз двое сутак газета паведаміла, што адміністрацыя Трампа накіравала судовыя позвы некалькім журналістам у сувязі з публікацыяй гэтай інфармацыі.
Цяпер чытаюць
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч18
Каментары