У войсках спецназу па загадзе Лукашэнкі фармуюць падраздзяленне з няўдалых аграрыяў і парушальнікаў дысцыпліны
Вертыкаль заяўляе пра выкананне загаду Лукашэнкі.
У сілы спецыяльных аперацый (ССА) пачалі прыбываць работнікі, якія кепска працавалі падчас жніва, паведаміла прэс-служба Мінабароны.
Ініцыятыва адпраўляць такія кадры ў войска належыць Аляксандру Лукашэнку, які 22 ліпеня на селектарнай нарадзе прапанаваў накіроўваць прагульшчыкаў і парушальнікаў на ўкраінскую мяжу замест крымінальнага пераследу: «Усіх, хто не ўмее працаваць, — у войска і на паўднёвую мяжу… Тыдзень падрыхтоўкі (гранатамёт, кулямёт) — і туды».
Лукашэнка падкрэсліваў, што гэта тычыцца як звычайных працоўных, так і чыноўнікаў.
Мінабароны афіцыйна аформіла гэтую працэдуру як збор з прызывам ваеннаабавязаных для праверкі баявой і мабілізацыйнай гатоўнасці ваенкаматаў.
Ваеннаабавязаныя прайшлі пункт прыёму, а тыя, хто раней не служыў і ведаў пра войска толькі з фільмаў, прынялі ваенную прысягу.
З прызваных фармуюць асобны стралковы батальён. На працягу 60 сутак на палігоне з імі правядуць інтэнсіўныя сутачныя заняткі па агнявой, інжынернай і ваенна-медыцынскай падрыхтоўцы (у тым ліку ўначы і на аддаленых лакацыях), а таксама азнаёмяць з новымі ўзорамі ўзбраення.
«Пасля праходжання курса навучання яны будуць накіраваныя ў раёны выканання вучэбна-баявых задач», — паведаміла Мінабароны.
Згодна са словамі Лукашэнкі, іх павінны кінуць на ўкраінскую мяжу.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары
Тихановская говорила. Вячорка говорил. Вот близится момент истины. Будут воевать никуда не денутся. А кто не будет - семью на фронт отправят.
Добра, што на ўкраінскую мяжу адпраўляюць, тым ліку ўначы і на аддаленых лакацыях.
Там украінцы хоць пакормяць нармальна.