На пчальніку пад Віцебскам мядзведзь спрабаваў забраць адзін з вуллёў з сабой у лес
На пчальніку Воранаўскага лясніцтва ў вёсцы Перавоз Віцебскага раёна некалькі разоў пабываў незвычайны злодзей. Ад яго ўжо неаднаразова пацярпелі вуллі з пчоламі, паведамляе выданне «Віцьбічы».
Пасля першага нападу на пчальнік, дзе знаходзяцца 26 пчаліных сем'яў, работнікі лясніцтва паставілі фотапастку. Адной з ліпеньскіх начэй камера зафіксавала вінаватага — ім быў малады мядзведзь.
Звер раскрываў вуллі і ласаваўся мёдам. Як кажуць супрацоўнікі лясніцтва, хоць мядзведзь яшчэ малады, сілы ў яго ўжо дастаткова, каб ламаць пчаліныя дамкі.
Падчас аднаго з набегаў ён нават паспрабаваў забраць адзін з вуллёў у лес. Аднак далёка аднесці сваю здабычу не здолеў і пакінуў яе непадалёк ад пчальніка.
Каб засцерагчы вуллі ад новых візітаў, найбліжэйшым часам на пчальніку плануюць усталяваць спецыяльную прыладу для адпужвання мядзведзя.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары