Ва Ушачах маці пры родах скінула дзіця ў выграбную яму прыбіральні.
Следчы камітэт высветліў абставіны забойства 24‑гадовай жыхаркай гарадскога пасёлка Ушачы свайго нованароджанага дзіцяці. Яно адбылося раніцай 21 сакавіка 2026 года.
Жанчына, знаходзячыся ў стане алкагольнага ап'янення, нарадзіла хлопчыка ў вулічнай прыбіральні ў двары свайго дома. Пасля гэтага яна разарвала пупавіну, і немаўля ўпала ў выграбную яму. Маці не спрабавала выратаваць дзіця і проста вярнулася ў хату.
Жанчына наўмысна не звярталася да медыкаў і хавала цяжарнасць, бо не хацела пакідаць дзіця.
Запэцканую кроўю вопратку заўважыў сужыцель жанчыны. Яго маці выклікала хуткую дапамогу. Медыкі перадалі інфармацыю ў міліцыю. Міліцыянты знайшлі ў выграбной яме цела хлопчыка без прыкмет жыцця.
Судова-медыцынская экспертыза пацвердзіла, што хлопчык нарадзіўся жывым, даношаным і жыццяздольным. Ён памёр у выграбной яме.
У крыві немаўляці знайшлі этылавы спірт, то-бок маці ўжывала алкаголь перад самымі родамі.
ДНК-экспертыза пацвердзіла мацярынства абвінавачванай і выключыла бацькоўства яе сужыцеля.
На допыце жанчына патлумачыла, што ўжо абмежавана ў бацькоўскіх правах на сваю першую малалетнюю дачку праз п'янства і адсутнасць працы. Другое дзіця яна не хацела, яно было не ад сужыцеля, і яна, паводле яе слоў, баялася яму пра гэта прызнацца.
Цяпер чытаюць
Сяргей Ціханоўскі запусціў свой ютуб-канал з вершамі і казкамі85
Каментары