«Наш горад ужо другі тыдзень проста знішчаюць. Нідзе пра гэта ні слова. Як так жыць?» — напісала адна з жыхарак.
Сярод пацярпелых — двое дзяцей. Адной з пацярпелых медыцынскую дапамогу аказалі на месцы, астатніх даставілі ў бальніцы. Паводле інфармацыі ўладаў, у горадзе пашкоджаны некалькі шматкватэрных дамоў, больш за 15 аўтамабіляў, а таксама часткова разбураны прыватны дом.
Тэлеграм-канал «Пепел. Белгарад» спачатку паведамляў, што, паводле папярэдніх звестак, некалькі беспілотнікаў нанеслі ўдар па тэрыторыі мясцовага ўпраўлення ФСБ, дзе адбыўся пажар. Аднак пазней канал удакладніў, што адзін з беспілотнікаў упаў у двор дома на Грамадзянскім праспекце ў цэнтры горада.
Яшчэ адзін беспілотнік выбухнуў у двары шматпавярховага дома на вуліцы Багдана Хмяльніцкага, дзе загарэліся аўтамабілі. Таксама паведамлялася пра ўдар па шматкватэрным доме на Харкаўскай гары і падзенне беспілотніка ў раёне прыватнай забудовы Усходняй акругі, дзе ўзнік моцны пажар.
«Наш горад ужо другі тыдзень проста знішчаюць. Нідзе пра гэта ні слова. Як так жыць? У нас больш няма сіл, страшна за дзяцей. Зараз 1:20 ночы, у нас гараць дамы і машыны, людзі выбіраюцца з кватэр праз вокны. Гэта цэнтр горада. Страшна за дзяцей, сіл больш няма», — распавяла адна з мясцовых жыхарак выданню «Осторожно, Новости».
Каментары