У Латвіі прыбяруць дарожныя знакі, якія ўказваюць на Беларусь і Расію
У Латвіі прызналі неабавязковым захаванне дарожных знакаў, якія паказваюць кірунак на населеныя пункты Расіі і Беларусі. Аб гэтым заявіў міністр сувязі Рыхардс Казлаўскіс, піша Delfi. Ён падкрэсліў, што адпаведны даклад ужо падрыхтаваны і перададзены на разгляд у Кабінет міністраў.
Казлаўскіс зазначыў, што Мінсувязі гатовае да рэалізацыі гэтага праекта і чакае ўключэння пытання ў парадак дня Дзяржканцылярыі.
«Канечне, ёсць выдаткі, але мы гатовыя да гэтага. На дадзены момант я не бачу неабходнасці ў рэкамендацыях у гэтым кірунку [Беларусі і Расіі]. Гэта не абавязкова», — сказаў Рыхардс Казлаўскіс.
Замена знакаў будзе адбывацца паступова ў межах бягучага абслугоўвання і рамонту дарог, першачаргова там, дзе знакі ўжо састарэлі.
Паводле даных кампаніі Latvijas Valsts ceļi, на дзяржаўных дарогах Латвіі выяўлена 235 указальнікаў, дзе згадваюцца населеныя пункты РФ і РБ.
Агульны кошт поўнай замены або частковага карэктавання знакаў ацэньваецца прыблізна на 120 тысяч еўра.
Мінсувязі падкрэслівае, што паступовае адмова ад назваў населеных пунктаў РФ і РБ ніяк не ўплывае на функцыянальнасць маршрутаў ці бяспеку руху. Кампанія Latvijas Valsts ceļi павінна правесці асноўныя працы пры спрыяльных умовах надвор’я не пазней за 30 верасня гэтага года.
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары
Пук в воду, толку ноль, но расходящихся, шумных и дурнопахнущих кругов много....
Можете минусовать, но суть не изменится.