Многія рыбакі дагэтуль ловяць са свінцовым грузілам. Але свінец моцна шкодзіць прыродзе
Штогод толькі ў краінах ЕС праз рыбацкія снасці ў вадаёмы трапляе 4800 тон свінцу. А гэты метал вельмі таксічны для экасістэм, асабліва для водных, піша тэлеграм-канал «Дзікая прырода побач».
Свінец выклікае вострае і хранічнае атручэнне ў дзікіх жывёл і людзей. Вадаплаўныя птушкі атручваюцца ім, заглынаючы страчаныя рыбакамі грузілы са дна: яны прымаюць іх за каменьчыкі-гастраліты, неабходныя для працы страўніка.
У Еўрапейскім Саюзе ў межах рэгламенту REACH уведзена забарона на продаж свінцовых рыбалоўных грузілаў і прылад.
У той жа час альтэрнатывы свінцу існуюць і даўно працуюць у краінах, дзе свінец забаронены:
- Вальфрам — галоўны і самы папулярны заменнік. Ён нават шчыльнейшы за свінец, таму грузілы атрымліваюцца больш кампактнымі — ідэальна для фідара і спінінга.
- Сталь і чыгун — бюджэтны і экалагічны варыянт.
- Волава — выдатна падыходзіць для паплаўковай лоўлі, лёгка заціскаецца на лёсцы.
- Латунь і медзь — добры баланс кошту, шчыльнасці і бяспекі.
- Камень і галька — бясплатны і бяспечны варыянт для лоўлі карпа.
У Беларусі самая папулярная альтэрнатыва свінцу — вальфрам. Яго можна знайсці амаль у кожнай спецыялізаванай краме і на маркетплэйсах. У апошніх таксама можна знайсці стальныя, чыгунныя і латунныя грузілы.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае21
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары