На тыдні з 20 да 26 ліпеня ў Беларусі чакаецца змена надвор'я. Пасля перыяду спёкі тэмпература паветра панізіцца, а ў краіну паступяць вільготныя паветраныя масы з Балтыкі. Пра гэта паведаміў у эфіры тэлеканала АНТ сіноптык Дзмітрый Рабаў.
Па словах Дзмітрыя Рабава, тэмпература на працягу тыдня будзе ніжэйшая за кліматычную норму. Чакаюцца частыя дажджы, навальніцы і парывісты вецер. Агулам другая палова ліпеня будзе прахалоднай і няўстойлівай.
У панядзелак, 20 ліпеня, надвор'е будзе вызначаць атлантычны цыклон. У большасці раёнаў прагназуюцца дажджы, месцамі навальніцы. Уначы паветра астыне да +13…+18 градусаў, удзень чакаецца ад +19 на захадзе краіны да +25 на Гомельшчыне.
У аўторак, 21 ліпеня, захаваецца ўплыў атмасферных франтоў. Амаль па ўсёй краіне магчымыя ападкі і навальніцы. Тэмпература ўначы складзе +13…+18 градусаў, а ўдзень — ад +15 да +22.
У сераду, 22 ліпеня, дажджлівае надвор'е працягнецца. Уначы і раніцай магчымыя туманы, вільготнасць паветра будзе вельмі высокай. Тэмпература ўначы панізіцца да +9…+15 градусаў, удзень — да +13…+19.
У другой палове тыдня надвор'е пачне вызначаць вобласць падвышанага атмасфернага ціску. У чацвер, 23 ліпеня, дажджы стануць лакальнымі, але павышаная вільготнасць захаваецца. Уначы чакаецца +9…+14 градусаў, удзень — ад +12 на поўначы да +21 на паўднёвым захадзе краіны.
У пятніцу, 24 ліпеня, месцамі магчымыя кароткачасовыя дажджы і навальніцы. Уначы тэмпература складзе +13…+17 градусаў, удзень — ад +17 да +23.
У выхадныя ў Беларусь паступіць вільготнае паветра з Балтыйскага мора. У суботу, 25 ліпеня, чакаецца воблачнае з праясненнямі надвор'е, месцамі пройдуць кароткачасовыя дажджы і навальніцы. Уначы будзе +10…+15 градусаў, удзень — ад +19 да +25.
У нядзелю, 26 ліпеня, у большасці раёнаў прагназуюцца дажджы. Уначы і раніцай магчымыя туманы. Тэмпература паветра складзе ад +12 градусаў уначы да +15…+25 удзень у залежнасці ад рэгіёна.
Каментары
Учора езьдзіў плаваць да вадаёму ў суседнюю вёску, звычайна спакойную й ня сьпешную, гэтым разам шматлюдную. У іх там сьлепакоў меней, дык камфортна, і ўсе з'язджаюцца туды. Сьпёка, вада цёплая, а на глыбіні дык добра, прахалодненька, у небе 4 буслы кружляюць, ветрык, вясёлыя хвалі даганяюць адна адну, любата й хараство... Раптам зірнуў у бок сваёй вёскі, а там во гэтая во хмара, зацягнула неба й сунецца ў мой бок... Усё.
Праграму сваю я выканаў, як і плянаваў, але павярнуўся да сябе ўжо ў дождж. Цяпер ізноў сонечна, трэ ізноў кудысьці матануць, трэба паспяваць радавацца. Прагноз неспрыяльны, але час парадавацца заўжды можна знайсьці, нават у дождж.
Учора езьдзіў плаваць да вадаёму ў суседнюю вёску, звычайна спакойную й ня сьпешную, гэтым разам шматлюдную. У іх там сьлепакоў меней, дык камфортна, і ўсе з'язджаюцца туды. Сьпёка, вада цёплая, а на глыбіні дык добра, прахалодненька, у небе 4 буслы кружляюць, ветрык, вясёлыя хвалі даганяюць адна адну, любата й хараство... Раптам зірнуў у бок сваёй вёскі, а там во гэтая во хмара, зацягнула неба й сунецца ў мой бок... Усё.
Праграму сваю я выканаў, як і плянаваў, але павярнуўся да сябе ўжо ў дождж. Цяпер ізноў сонечна, трэ ізноў кудысьці матануць, трэба паспяваць радавацца. Прагноз неспрыяльны, але час парадавацца заўжды можна знайсьці, нават у дождж.