Былога прэзідэнта Ірана арыштавалі за супрацу з «Масадам» — The New York Times
Паводле паведамлення выдання The New York Times са спасылкай на высокапастаўленых іранскіх і амерыканскіх чыноўнікаў, былы прэзідэнт Ірана Махмуд Ахмадзінежад быў арыштаваны Корпусам вартавых ісламскай рэвалюцыі па падазрэнні ў сувязях з ізраільскай выведкай «Масад».
Выданне сцвярджае, што апошнія гады ізраільскі бок нібыта падтрымліваў кантакты з Ахмадзінежадам і фінансаваў яго паездкі і пражыванне. Паводле крыніц газеты, у Ізраілі разглядалі яго як аднаго з магчымых палітыкаў, які мог бы адыграць ролю ў выпадку змены ўлады ў Іране.
Таксама паведамляецца, што прадстаўнікі «Масада» некалькі разоў сустракаліся з Ахмадзінежадам за межамі Ірана, у тым ліку ў Венгрыі і Гватэмале. Паводле версіі выдання, адна з такіх сустрэч адбылася ў Будапешце ў 2024 годзе падчас міжнароднай кліматычнай канферэнцыі, а кантакты працягваліся і ў 2025 годзе.
The New York Times адзначае, што адносіны Ахмадзінежада з кіраўніцтвам Ірана на працягу апошніх гадоў былі напружанымі. Хоць яго ўплыў быў абмежаваны, ён працягваў удзельнічаць у працы аднаго з дарадчых органаў пры вярхоўным кіраўніцтве краіны.
Паводле матэрыялу газеты, падчас авіяўдараў па Іране ў лютым 2026 года ізраільская авіяцыя нанесла ўдар па рэзідэнцыі Ахмадзінежада. Пасля гэтага яго вывезлі з месца здарэння на аўтамабілі. Выданне таксама сцвярджае, што пазней ён расчараваўся ў дзеяннях ізраільскага боку.
Акрамя таго, паведамляецца, што на пахаванні вярхоўнага лідара Ірана Алі Хаменеі Ахмадзінежад нечакана з'явіўся сярод удзельнікаў жалобнай працэсіі:
«У мінулы панядзелак ён ненадоўга і нечакана з’явіўся ў складзе пахавальнай працэсіі аяталы Хаменеі. На відэазапісах працэсіі было бачна Ахмадзінежада, апранутага ў тоўстую куртку пры спёцы ў +32 градусы, з медыцынскай маскай, спушчанай на падбародак. Два іншыя былыя прэзідэнты Ірана, якія цяпер жывуць — Хасан Рухані і Махамад Хатамі, — не былі запрошаныя і не з’явіліся ні на адной з пахавальных цырымоній. Пры гэтым Ахмадзінежад стаяў, схіліўшы галаву і не прамаўляючы ніводнага слова, у ачапленні людзей, якія, відавочна, былі ахоўнікамі», — падсумавала выданне.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары