У Варшаве затрымалі беларуса і паляка, якія здымалі мерапрыемствы беларускай дыяспары
Агенцтва ўнутранай бяспекі Польшчы (ABW) затрымала беларуса і паляка, якія, паводле звестак ведамства, «выконвалі за грошы заданні замежнай разведкі», паведаміла прэс-служба агенцтва.
Фота «Белсата» з акцыі на Дзень Волі ў 2026 годзе ў Варшаве
«Іх дзейнасць заключалася, у прыватнасці, у перадачы фотаздымкаў і відэазапісаў з мерапрыемстваў, арганізаваных беларускай дыяспарай у Варшаве. Гэтыя матэрыялы пасля выкарыстоўваліся ў прапагандысцкіх мэтах рэжыму Беларусі», — гаворыцца ў паведамленні.
Затрыманне адбылося 25 чэрвеня. Беларуса ўзялі пад варту на тры месяцы. Паляку забаранілі пакідаць краіну, забралі пашпарт і абавязалі рэгулярна адзначацца ў паліцыі.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары