Адно дзіця, што трапіла пад абстрэл у Бранскай вобласці, знаходзіцца ў цяжкім стане
Адно дзіця знаходзіцца ў цяжкім стане пасля атакі на аўтобус з беларускай футбольнай камандай, паведамілі ў Міністэрстве аховы здароўя Расіі.
Усяго пасля здарэння былі шпіталізаваныя сем чалавек.
Дрон прыляцеў у двухпавярховы аўтобус каманды ДЮСШ №2 Рэчыцы, якую павезлі на адпачынак у Геленджык у Краснадарскім краі Расіі.
Паводле паведамлення кіраўніка Бранскай вобласці Ягора Кавальчука, у аўтобусе ехала дзіцячая футбольная каманда.
Аўтобус ехаў па трасе Гомель — Бранск. У выніку выбуху загінула жанчына, якая суправаджала дзяцей. Ці з Беларусі яна, не паведамляецца.
Мясцовыя ўлады заяўляюць, што ўсіх пацярпелых аператыўна даставілі ў бальніцу, дзе медыкі аказваюць ім неабходную дапамогу. Пра стан параненых дзяцей пакуль не вядома.
У аўтобусе знаходзіліся 44 пасажыры, у тым ліку 28 дзяцей, паведамляе СК РФ.
«Астатнія пасажыры ў бліжэйшы час будуць вернутыя дадому», — гаворыцца ў паведамленні.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары