ЕГУ заявіў пра ўзмацненне падтрымкі студэнтаў, выкладчыкаў і іх сем’яў
Пасля таго як беларускія ўлады прызналі Еўрапейскі гуманітарны ўніверсітэт (ЕГУ) экстрэмісцкай арганізацыяй, навучальная ўстанова заявіла пра ўзмацненне падтрымкі сваёй супольнасці і прыняцце дадатковых мер для змяншэння наступстваў гэтага рашэння.
Як паведамляе прэс-служба ўніверсітэта, у адказ на ціск і рэпрэсіі ЕГУ пашырыў супрацоўніцтва з літоўскімі дзяржаўнымі органамі, міжнароднымі партнёрамі, дыпламатычнымі прадстаўніцтвамі і грамадскімі арганізацыямі. Мэта гэтай працы — забяспечыць бяспеку, дабрабыт і магчымасць працягваць навучанне або прафесійную дзейнасць для тых, каго закранула сітуацыя.
Сістэма дапамогі грунтуецца на трох асноўных кірунках: захаванні бесперапыннасці адукацыйнага працэсу, практычнай падтрымцы пацярпелых членаў супольнасці і ўмацаванні доўгатэрміновай стабільнасці і бяспекі ўніверсітэта.
За апошнія тыдні ўніверсітэтам былі спрошчаныя адміністрацыйныя працэдуры, звязаныя з навучаннем, арганізавана размяшчэнне для студэнтаў, якім можа спатрэбіцца пераезд, а таксама створаныя дадатковыя кансультацыйныя механізмы.
Паведамляецца, што ЕГУ супрацоўнічае з літоўскімі ўстановамі і дыпламатычнымі прадстаўніцтвамі па пытаннях віз, дазволаў на жыхарства і іншых прававых магчымасцяў, а таксама дапамагае тым, каму неабходна бяспечна выехаць з Беларусі.
Таксама ўніверсітэт пашырыў доступ да юрыдычных кансультацый з удзелам незалежных праваабарончых экспертаў, арганізаваў асабістыя сустрэчы са спецыялістамі, узмацніў псіхалагічную падтрымку і адкрыў спецыяльную гарачую лінію, якая працуе па прынцыпе «аднаго акна».
Акрамя таго, ЕГУ ўзмацніў меры кібербяспекі і абароны даных, а членам супольнасці даюцца рэкамендацыі па асабістай і лічбавай бяспецы.
Больш за 30 ператрусаў па ўсёй краіне. Што вядома пра «справу ЕГУ» і як абараніць сябе і блізкіх
Як праходзіць ператрус па справе ЕГУ
Некалькі выкладчыкаў ЕГУ з прызнаннем універсітэта экстрэміcцкай установай спынілі супрацоўніцтва
Каля 100 студэнтаў пакінулі ЕГУ пасля прызнання ўніверсітэта «экстрэмісцкай арганізацыяй»
ЕГУ не будзе адмаўляцца ад набору
Рэктар ЕГУ пра экстрэмісцкі статус універсітэта: «Самы складаны этап з 2004 года»
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі42
Каментары