У Беларусі хочуць дазволіць замежным грамадзянам служыць у войску па кантракце
У Савеце Рэспублікі прайшло пасяджэнне экспертнага савета, дзе абмеркавалі сур’ёзныя змены ў заканадаўства аб вайсковай службе.
Галоўная навацыя праекта, распрацаванага Міністэрствам абароны, — афіцыйна дазволіць іншаземцам служыць па кантракце ва Узброеных сілах і ўнутраных войсках МУС Беларусі.
Адпаведны дакумент на пасяджэнні прадставіў начальнік Генеральнага штаба Павел Муравейка.
Законапраект прадугледжвае карэкціроўку цэлага шэрагу законаў і кодэксаў, каб стварыць легальную прававую базу для іншаземных кантрактнікаў. Зараз гэтая сфера рэгулюецца строга: паступіць на службу па кантракце могуць толькі грамадзяне Беларусі. Такія змены азначаюць прынцыповую змену падыходаў да камплектавання беларускага войска.
Магчымасць прыцягнення замежнікаў у сілавыя структуры ўлады звязваюць з неабходнасцю «ўмацавання нацыянальнай бяспекі».
Цяпер чытаюць
У дзень пачатку Пецярбургскага эканамічнага форуму УСУ нанеслі дзясятак удараў па нафтавым тэрмінале ў порце горада і базе Балтфлота ў Кранштаце34
Каментары
Мала сваіх манкуртаў, трэба яшчэ чужых набраць, для кантролю нашай радзімы і здзекаў над нашымі людзьмі.