Беларускі бізнэс сутыкаецца з праблемамі ў пастаўках у Расію напярэдадні запуску сістэмы пацвярджэння чакання тавараў (СПЧТ), піша Office Life.
На гэтым тыдні Мінфін Расіі пацвердзіў, што новая сістэма запусціцца з 1 чэрвеня.
Па інфармацыі старшыні Каардынацыйнай рады Рэспубліканскай канфедэрацыі прадпрымальніцтва Андрэя Капыткі, беларускія экспарцёры ўжо атрымліваюць адмовы ад прадстаўнікоў бізнэсу Расіі, з якімі маюць кантракты ў рамках дзейнасці новай сістэмы.
«Адным з асноўных пунктаў СПЧТ для атрымання QR-кода ўвозу тавару з Беларусі ў Расію з'яўляецца ўнясенне забяспечвальнага плацяжу. І зараз расійскі бізнэс адмаўляецца яго ўносіць, матывуючы тым, што выгадней набыць такі тавар на тэрыторыі Расіі, — распавёў Андрэй Капыток. — На прапанову беларускага боку вылічваць розніцу за новыя пастаўкі ці пастаўлены тавар бакі пакуль не знаходзяць кансэнсусу».
Мэта новаўвядзення — барацьба з «шэрымі» схемамі. Па новых правілах расійскія імпарцёры будуць абавязаны не пазней чым за два дні да ўвозу грузаў прадставіць дакумент аб будучай пастаўцы праз інфармацыйную сістэму ФНС, выплаціць забяспечвальны плацёж сумай, роўнай велічыні ПДВ (акцызаў), атрымаць QR-код і перадаць яго перавозчыку.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ20
Каментары
Там всё через серые схемы !