Ціханоўская наведала беларускі стэнд на Міжнародным кніжным кірмашы ў Варшаве
Сёння стэнд 11/5D Беларускіх незалежных выдавецтваў «Вольная Беларусь» на Міжнародным кніжным кірмашы ў Варшаве наведала Святлана Ціханоўская, якой мы падарылі кнігу Дароты Міхалюк «Беларуская Народная Рэспубліка 1918—1920 гг.: ля вытокаў беларускай дзяржаўнасці», — напісаў на сваёй фэйсбук-старонцы кіраўнік праекта і выдавецтва «Камунікат» Яраслаў Іванюк.
«Гэта вельмі важна ў тым кантэксце, што са свайго візіту ў Кіеў лідарка беларускіх дэмакратычных сіл прывезла шэраг дакументаў датычных адносін Беларукай Народнай Рэспублікі і Украінскай Народнай Рэспублікі. Кніга прафесара Дароты Міхалюк напрыканцы 2025 года па ініцыятыве пракуратуры Горацкага раёна трапіла ў спіс кніг забароненых у Беларусі. Тымчасам — гэта адна з найважнейшых сучасных прац пра нараджэнне беларускай дзяржаўнасці. Гэта даследаванне, якое змяніла падыход гісторыкаў да разумення БНР і зламала стэрэатып, што беларускую дзяржаўнасць нібыта «стварылі бальшавікі», — напісаў Яраслаў Іванюк.
Кніжны кірмаш сёлета праходзіць на стадыёне Нарадовым (al. Księcia Józefa Poniatowskiego 1, 03‑901 Warszawa) і будзе доўжыцца яшчэ два дні.
Вось якія яшчэ мерапрыемствы на Беларускім стэндзе чакаюцца сёння і заўтра:
14.00 Аўтограф-сесія: Алена Пятровіч, аўтарка кнігі «Сіні дом» (Mianie Niama)
15.00 Прэзентацыя: сшытак заданняў «Першыя крокі па-беларуску», Ганна Плашчынская (Gutenberg)
16.00 Аўтограф-сесія: Антон Бяляеў, аўтар кнігі «Як я правёў гэтае лета» (RozUM)
Нядзеля
12.00 «Літаратуразнаўца ў турме». Сустрэча з Аляксандрам Фядутам
13:00 «Насуперак турме». Сустрэча вакол кнігі «Справа Віктара Бабарыкі»
13.00 Прэзентацыя: «Норадрэналін», Яўген Анашкін (Gutenberg)
14.00 Аўтограф-сесія: Віктар Бабарыка (Sviedki)
15.00 Прэзентацыя: «Імёны Свабоды. Частка 1», Уладзімір Арлоў
16.00 Прэзентацыя: «Вячэра з чужым каханкам», Валянціна Аксак (Kamunikat).
-
Закаханы ў беларускую мову матэматык і святар, які вывучыў англійскую па дэтэктывах Агаты Крысці. 100 гадоў Аляксандру Надсану
-
У Мінску з гістарычнага дома на Валадарскага знік знакаміты «балкон начальніка турмы»
-
Музей паэткі Яўгеніі Янішчыц перавезлі ў Пінск. Цяпер уся экспазіцыя змяшчаецца на дзвюх паліцах
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары