Па словах відавочцаў, у 4‑м пад’ездзе панэльнага дома на вуліцы Баграціёна абваліліся падлога і частка сцяны перад лесвічным маршам. Зараз на месцы працуюць супрацоўнікі МНС і камунальных службаў, піша «Анлайнер».
Пад’езд часова перакрыты з боку двара — праход загарадзілі плітамі ДВП. Усярэдзіну жыльцоў пускаюць толькі праз другі выхад, бо пад’езд скразны. На месцы заўважаны супрацоўнікі ЖКГ, а таксама рабочыя з бензапілой.
Пры гэтым у самім доме абстаноўка застаецца спакойнай — эвакуацыю людзей пакуль не праводзяць. У вокнах гарыць святло, жыльцы знаходзяцца дома, панікі няма. Многія мінакі нават не падазраюць пра здарэнне.
Афіцыйных каментарыяў пра прычыны абвалу пакуль няма.
Цяпер чытаюць
Памятаеце Пятрушу, які выдзіраў правады «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя10
Каментары
Хаця у мяне, на Пцічы, хрушчоўкі рэнавуюць, і ў Менску, бачыў, там-сям, іх рамантуюць, нават гаўбечыкі ліквідуюць, значыцца фасады будуць ужо іншыя.