Новы спосаб выкарыстання кур’ераў: забіраць на пошце скрынкі з абуткам
Сталічная міліцыя затрымала 21‑гадовага мінчука, які стаў ахвярай новай схемы падману тэлефонных махляроў.
Малады чалавек атрымаў ліст нібыта ад «Белпошты» і перадаў зламыснікам код з SMS. Пасля гэтага яму патэлефанавалі ў месенджары, прадставіўшыся супрацоўнікамі праваахоўных органаў, і паведамілі, што яго падазраюць у дропінгу, паведамляе «Міліцыя Мінска».
Дропінг (ці дроперства) — гэта ўдзел у злачынстве, калі чалавека (дропа) выкарыстоўваюць як пасрэдніка для вываду або абнаяўлення скрадзеных грошай.
Каб пазбегнуць крымінальнай адказнасці, яму загадалі выконваць «сакрэтныя заданні».
Спачатку хлопец перавёў на крыптакашалёк аферыстаў больш за 20 тысяч рублёў, атрыманых у крэдыт, а таксама пазычаных у сваёй бабулі і незнаёмай пенсіянеркі.
Потым па заданні куратараў у аддзяленні «Белпошты» ён атрымаў мінімум шэсць пасылак з абуткам.
Там былі схаваныя грошы абманутых беларусаў, якія думалі, што дэкларуюць свае зберажэнні. Такім спосабам ён атрымаў каля 80 тысяч рублёў, якія таксама перавёў на крыптакашалёк махляроў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары