Украіна прапаноўвала перайменаваць частку Данбаса ў «Донілэнд» у гонар Трампа
Так яны спадзяваліся пераканаць адміністрацыю Трампа не пагаджацца з тэрытарыяльнымі патрабаваннямі Расіі.
Украінскія чыноўнікі прапаноўвалі назваць частку Данбаса ў гонар Дональда Трампа — «Донілэндам», паведамляе The New York Times са спасылкай на свае крыніцы.
У дакументах гэта назва ніколі не фігуравала. Аднак падчас мірных перамоў украінскія чыноўнікі прапаноўвалі назваць «Донілэндам» частку Данецкай вобласці, якая знаходзіцца пад кантролем Украіны.
Спачатку гэты тэрмін згадалі часткова жартам, а пасля выкарыстоўвалі яго на кансультацыях.
Украіна таксама прапаноўвала стварыць на частцы Данбаса паўаўтаномную міні-дзяржаву са статусам свабоднай эканамічнай зоны — гэта называлі «мадэль Манака»
Гэта сітуацыя, піша выданне, паказвае, як урады краін свету «апелююць да ганарыстасці Трампа, каб заручыцца падтрымкай амерыканскай моцы».
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары
Нацыя з такім пачуццём гумару непераможная! Гэта маё канчатковае і беспаваротнае меркаванне!