Усе аўтобусы абавязалі мець сістэмы відэафіксацыі і рамяні бяспекі для пасажыраў
Урад прыняў пастанову, якая змяняе правілы аўтамабільных перавозак пасажыраў і грузаў. Дакумент падпісаў прэм’ер-міністр Аляксандр Турчын.
Дакумент прадугледжвае зацвярджэнне абноўленых правіл, змяненні ў парадку правядзення конкурсаў на рэгулярныя пасажырскія перавозкі, а таксама дапаўненне спісу арганізацый, якія каардынуюць чыгуначныя перавозкі прадукцыі ў Кітай.
У частцы пасажырскіх перавозак уводзіцца шэраг новых патрабаванняў. Усе аўтобусы павінны быць абсталяваныя сістэмамі відэафіксацыі, а пасажырскія месцы — рамянямі бяспекі. Перавозчыкі абавязваюцца афіцыйна заключаць працоўныя дагаворы з кіроўцамі.
Таксама ўпарадкоўваецца сістэма праязных дакументаў — яны будуць выкарыстоўвацца па аналогіі з гарадскім электратранспартам. У сферы таксі забараняецца змяняць спосаб аплаты падчас паездкі, а разлікі павінны адбывацца праз электронныя сістэмы. Плануецца зменшыць выпадкі адмовы ў браніраванні і завышаных цэн, асабліва калі пасажыр заказвае таксі не праз дадаткі ці дыспетчара, а непасрэдна ў кіроўцы.
Асобна адзначаецца змена, прапанаваная Міністэрствам адукацыі: цяпер для кіроўцаў школьных аўтобусаў патрабуецца не тры гады стажу, а толькі адзін.
Што тычыцца грузавых перавозак, то ўводзіцца абавязковае абсталяванне транспарту відэакамерамі і сістэмамі спадарожнікавай навігацыі. Пры перавозцы драўніны транспарт павінен мець спецыяльныя прыстасаванні, якія не дапускаюць зрушвання грузу. Акрамя таго, грузавыя аўтамабілі і прычэпы павінны быць накрытыя спецыяльным пакрыццём, каб не забруджваць дарогі. Перавозчыкі абавязаныя сачыць за правільным выкарыстаннем такога абсталявання.
Змены закранаюць і парадак правядзення конкурсаў на рэгулярныя перавозкі. У склад камісій будуць уключацца арганізацыі, якія адказваюць за бяспеку транспарту. Пасяджэнне будзе лічыцца сапраўдным, калі прысутнічае больш за палову членаў камісіі. Вызначаюцца адзіныя крытэрыі ацэнкі ўдзельнікаў, каб выключыць несумленных перавозчыкаў.
Таксама вызначаецца, як будуць кампенсавацца выдаткі на правядзенне конкурсаў, скарачаюцца тэрміны іх правядзення і дакладна прапісваюцца дзеянні ўдзельнікаў пасля падвядзення вынікаў. У тым ліку рэгламентуецца, як заключаецца дамова, калі пераможца конкурсу па нейкіх прычынах яе не падпісвае.
У Беларусі створаць адзіную дзяржаўную сістэму продажу квіткоў
Ці абавязкова ў грамадскім транспарце здымаць заплечнікі?
Пасля падаражання праезду маршрутка ў аэрапорт Мінск каштуе ў два разы танней, чым аўтобус. Як такое атрымалася?
У чатырох абласцях Беларусі выраслі цэны на праезд грамадскім транспартам
«Мінсктранс» узначаліў Канстанцін Галалобаў
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе9
Каментары