Пальчыс пра Латыпава: Ён у вельмі дрэнным стане, суіцыдальныя думкі, 1,5 года адзіночкі
Днямі стала вядома, што палітзняволены арбарыст Сцяпан Латыпаў трэці раз спрабаваў здзейсніць суіцыд у турме. Мужчына нібы казаў, што не бачыць сэнсу жыцця і не вытрымае яшчэ аднаго тэрміну ў турэмным рэжыме.
Блогер і былы палітвязень Эдуард Пальчыс расказаў, як перасякаўся з Латыпавым за кратамі.
«Я бачыўся з ім толькі аднойчы — у верасні 2024‑га на этапе, хвілін 5.
Ён у вельмі дрэнным стане: суіцыдальныя думкі, 1,5 года адзіночкі. Яму не давалі ўсю баланду, у яго нават пачалася цынга, пакуль фельчар не заўважыў.
Пры гэтым памілаванне ён пісаў, па яго словах», — напісаў Пальчыс у X.
Сцяпан Латыпаў у 2020‑м раздаваў кветкі жанчынам на акцыі салідарнасці. Яго затрымалі ў верасні 2020 года каля ягонага дома на «Плошчы Перамен». 16 жніўня 2021 года палітвязня асудзілі за ўдзел у акцыях пратэсту (ч. 1 і 2 арт. 342 КК), «супраціў міліцыянтам» (ч. 2 арт. 363 КК) і «махлярства, здзейсненае ў асабліва буйным памеры» (ч. 4 арт. 209 КК) на восем гадоў і шэсць месяцаў зняволення ва ўмовах строгага рэжыму.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос7
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары